BODI YA SHULE YAMSINGI LUDEWA MJINI YAUPONGEZA UONGOZI WA NICOPOLIS ACADEMY KWA KUMUENZI FILIKUNJOMBE KWA VITENDO.

Mkurugenzi wa Shule ya Nicopolis Academy Mwalimu Augustino Mwinuka akichimba shimo la choo cha wanafunzi wakiume shule ya msingi Ludewa mjini.

 Mkurugenzi wa Shule ya Nicopolis Academy Mwalimu Augustino Mwinuka akichimba shimo la choo cha wanafunzi wakiume shule ya msingi Ludewa mjini.

Mwalimu Augustinio akiwa na vijana wa kikundi cha Ash-tech group wakichimba shimo la choo shule ya msingi Ludewa Mjini.

 Mwalimu Augustinio akiwa na vijana wa kikundi cha Ash-tech group wakichimba shimo la choo shule ya msingi Ludewa Mjini.

 Baadhi ya wanafunzi wa shule yamsingi Ludewa mjini wakiangalia uchimaji wa shimo la choo chao

 Mwalimu mwinuka akisalimiana na baadhi ya wanafunzi wa shule ya msingi Ludewa Mjini

 Hiki ndicho choo kinachotumika kwa sasa kikiwa na hali mbaya na tayari kimeshajaa

 Madarasa ya shule ya msingi Ludewa Mjini ambayo yalijengwa na hayati Deo Filikunjombe.

Mwenyekiti wa bodi ya shule yamsingi Ludewa Mjini iliyoko wilayani Ludewa katika mkoa wa Njombe  Bw.Lazaro Mwinuka ameupongeza ukongozi wa shule ya watoto ya Nicopolis Academy kwa jitihada zao za kumuenzi hayati Deo Filikunjombe kwa vitendo.

Akiongea na mwandishi wa habari hii Bw.Mwinuka alisema kuwa shule hiyo inakabiliwa na changamoto nyingi ikiwemo upungufu wa vyoo vya wanafunzi na uzio,hivyo wadau mbalimbali waliosoma shule hiyo waliombwa kuinusuru shule yao lakini mpaka sasa ni mdau mmoja tu ambaye ni mkurugenzi wa shule ya Nicopolis academy ndiye aliyejitokeza.

Bw.Mwinuka alisema kuwa shule hiyo ambayo inamajengo ya kisasa ambayo yalijengwa na hayati Filikunjombe lakini imekosa vyoo hivyo uongozi wa Nicopoli Academy umeona uanze na ujenzi wa vyoo vya wavulana ili kumuenzi hayati Filikunjombe ambaye alikuwa na mpango wa kuifanya shule hiyo kuwa yakisasa zaidi.

Alisema kuwa kwa kauli ya Mkurugenzi wa Nicopolis Academy ameanza na uchimbaji wa shimo la choo hicho lakini anataka kumaliza ujenzi siku ya kumbukumbu ya Deo Filikunjombe(Deo Filikunjombe Day) ambayo imepangwa kufanyika tarehe 15 oktoba 2017 hivyo ni vyema wadau wengine wakaunga mkono juhudi hizo ambazo zinalenga maendeleo ya shule hiyo.

“Tunaushukuru uongozi wa nicopolis academy kwa kuwa tumeona mwanzo mzuri wa kumkumbuka Filikunjombe kwa vitendo kutokana na enzi za uhai wake alikuwa akishirikiana na mafundi katika ujenzi wa shule hii na wakati mwingine aliahirisha hata vikao vya Bunge ili kushiki na mafundi katika kazi hivyo tunawaomba wadau wengine kufanya haya kwani choo cha wasichana bado ni changamoto”,alisema Bw.Mwinuka.

Akishiriki na mafundi katika uchimbaji wa shimo la choo hicho Mkurugenzi wa shule ya Nicopolis Academy Mwalimu Augustino Mwinuka alisema kuwa tayari kazi imeanza ili kuhitimisha Filikunjombe Day,hivyo wadau wengine wameanza kujitokeza kumuunga mkono wakiwemo vijana wa kikundi cha ujasiliamali cha Ludewa Ash-tech Group chenye makao yake makuu Ludewa mjini.

Mwalimu Mwinuka alisema kuwa ni wajibu wa kila mwanafunzi kuikumbuka shule aliyosoma na ndiyo maana hayati Filikunjombe aliikumbuka shule hiyo kwa kujenga madarasa ya kisasa hivyo hata yeye ameanza kwa ujenzi wa vyoo vya kisasa ambavyo vitakuwa tofauti na shule nyingine wilayani Ludewa.

Alisema kuwa kama kila mmoja mwenye uwezo wa kafanya jambo japo kidogo katika eneo alilotoka hasa mashuleni na hospitari basi changamoto zinazowakabili wanaludewe zitapungua kwani kumekuwa na kasumba kwa baadhi ya vijana kusahau walikotoka na kujikita mijini hali ambayo siyo sawa kwa kupitia Filikunjombe Day vijana wanapaswa kuamka na kukumbuka nyumbani.

 

Mwisho.

Simu no ya Mwalimu mwinuka kwa mawalisiano zaidi 0765059184