chuma cha Liganga
Akiongea na mwandishi wa gazeti la
majira jana ofisini kwake diwani wa kata ya Nkomang’ombe wilayani Ludewa katika
mkoa wa Njombe Mh.Ananias Haule alisema kuwa wananchi wa kata yake ambao ndiko
mgodi wa makaa ya mawe utatekelezwa
wamekuwa na furaha kubwa ya kulipwa fidia za maeneo yao mapema ili
waanze kuandaa makazi mapya.
Mh.Haule alisema awali wananchi wa maeneo ya Nkomang’ombe kwenye
makaa ya mawe na wale wa Liganga ambako chuma kinapatikana hawakuwa na
imani na Serikali kama itaweza kuwabana wawekezaji ili waweze kulipa fidia
mapema lakini sasa imekuwa furaha kwao baada ya kuzipata taarifa hizi
Alisema kutokana na mpango huu wa
kuanza kulipwa fidia zao wananchi wameanza kuwa na uhakika juu ya uanzishwaji
wa migodi hiyo kwani ni miaka mingi kumekuwa na ahadi bila utekelezaji hali
ambayo ilikuwa ikiwakatisha tama na kuona kama zilikuwa siasa tu zisizo na
utekelezaji.
Mh.Haule alisema taarifa za awali
alizozipata katika ofisi yake ni kuwa wananchi wa maeneo hayo watapewa elimu
ndipo uthaminishaji wa maeneo yao kuhusiasa na malipo utafanyika lakini wapo
wengine ambao tayari wameshaanza kutafuata maeneo mengine ya kuhamia kabla ya
kulipwa fidia.
“Wananchi wamekuwa wakiilaumu
Serikali kwa kuchelewesha mpango huu wa uanzishwaji wa migodi ya mchuchuma na
Liganga kwa kua kuwanawatu wamezaliwa na mpaka wamezeeka na wakafa walikuwa
wakisikia migodi hii mikubwa itaanzisha lakini zilibaki kuwa porojo ila kwa
kuanza kuwalipa fidia wenye maeneo yao ni
ishara nzuri ya utekelezaji”,alisema Haule.
Alisema licha ya Mh.rais wa Jamuhuri
ya Muungano wa Tanzania Dkt.Jakaya Mrisho Kikwete kutoa tamko la kuwajengea
nyumba wananchi hao ili waendelee na kijiji chao eneo jingine pia zimejitokeza
changamoto kwa baadhi wa wananchi kutaka kulipwa fedha zao zote bila kuwajengea
nyumba lakini kwa kushirikiana na wataalamu elimu itatolewa ili waone umuhimu
wa kujengewa nyumba na si kulipwa fedha tu.
Alisema hatari ya kupuuza akizo la
Rais ni kwamba baada ya kulipwa fedha kuna baadhi ya wanaume wanaweza
kuwatelekeza wake zao pasipo makazi na kuhamia vijiji vingine na kuoa huko
wakati familia zao zitabaki katika maisha ya kutangatanga hivyo ni muhimu
wananchi watambue kujengewa nyumba ni bora zaidi kuliko kulipwa fedha.
Aidha afisa ardhi mteule wa wilaya
ya Ludewa Bw.Joseph Kamonga alisema wawekezaji watashirikiana na wataalamu kutoka
Serikalini katika kutoa mafunzo ya awali kabla ya kufanyika uthaminishaji hivyo
wananchi wanatakiwa kujiandaa kwa elimu hiyo.
Bw.Kamonga alisema kitakachofanyika
ni malipo ya fedha kutokana na eneo la mwananchi na kujengewa nyumba hivyo
viongozi wa vijiji husika wanatakiwa kukaa na wananchi wao ili kuanza
kuwaelimisha kwani kuna baadhi ya watu wakishapata fedha hufanya matumizi
mabaya na kuziacha familia katika umasikini uliokithiri.
Mwisho.
No comments:
Post a Comment