MVUA KUBWA ILIYOAMBATANA NA UPEPO YASABABISHA MAAFA SHULE YA MSINGI LUDEWA MJINI,WANAFUNZI WASOMEA CHINI YA MWEMBE.

haya ndio madarasa yaliyoezuliwa na mvua kubwa zilizoambatana na upepo katika shule ya msingi Ludewa mjini

 baadhi ya madarasa yaliyoezuliwa na mvua

 wanafunzi wakiwa darasani chini ya mwembe

 wanafunzi wakiwa darasani chini ya mwembe

 Gari zilizobeba mifuko 50 ya saruji aliyoitoa Deo Filikunjombe ikiwa tayari kwa kupakuliwa shulani hapo

Wanafunzi wakiishusha saruji iliyotolewa na Deo Filikunjombe

Mvua kubwa iliyoambatana upepo imesababisha maafa makubwa katika shule ya msingi Ludewa mjini ambapo paa za vyumba vitatu vya madarasa ziliezuliwa vikiwa na wanafunzi ndani na kusababisha wanafunzi hao kusomea chini ya mwembe shuleni hapo.

Akitoa taarifa ya maafa hayo mwalimu mkuu wa shule hiyo John Mjujulu alisema shule hiyo ni kongwe kwa wilaya ya Ludewa kwani ilijengwa mwaka 1945 tokea hapo haikuweza kufanyiwa ukarabati wa kuzibadirisha rati chakavu na kuziweka nyingine hali iliyosababisha shule hiyo kuezuka kwa urahisi.

Mwalimu Mjujulu alisema maafa hayo yalikuja wakati wanafunzi wakiendelea na masomo lakini hakuna mtoto aliyejeruhiwa zaidi ya uharibifu wa magunia 24 yenye madebe tisa ya mahindi yalinyeshewa na mvua ambayo yatengwa kwaajili ya chakula cha wanafunzi.

Uharibifu mwingine alioutaja ni pamoja na kuezuliwa kwa paa,bati na lati katika vyumba 3 vya madarasa bati hizo ni chakavu hazifai kuezekea tena,kuta za vyumba vitatu zina nyufa ambazo zinahitaji ukarabati hali ambayo inahitaji michango ya hali na mali ili kuwanusuru wanafunzi wa darasa la kwanza na la pili ambao wanasomea chini ya mwembe kwa sasa.

“Tunamshukuru Mwenyezi Mungu kuta za madarasa hayo hazikuwaangukia wanafunzi,kama unavyowaona wanafunzi wanasomea chini ya mwembe kwa kua leo kunajua lakini ikifika mvua ni shida tena lakini wameshakuja wataalam kufanya tathmini ukarabati unahitaji kiasi cha shilingi milioni 12.5 na shule yetu haina uwezo huo hivyo tuawaomba wadau mbalimbali waliosoma katika shule hii na wengine wenye uwezo wa kutuchangia watusaidie”,alisema mwalimu Mjujulu.

Aliwataja walioshiriki katika tathmini ya ukarabati wa shule hiyo kongwe kuwa ni Bright Komba kutoka idara ya ujenzi katika Halmashauri ya wilaya ya Ludewa na Joseph Mvanga afisa elimu ufundi ambao kwa umakini mkubwa waliweza kuandika taarifa ya ukarabati na kufikia kiasi cha shilingi 12.5 milioni.

Aidha Mwalimu Mjujulu aliweza kutoa shukrani kwa mbunge wajimbo la Ludewa Mh.Deo filikunjombe kwa kichangia kiasi cha shilingi laki moja na mifuko 50 ya Saruji ili kuharakisha ukarabati wa madarasa hayo na kuwanusuru wanafunzi wasiweze kuendelea kusomea chini ya mwembe.

Alisema kama wadau mbalimbali wataweza kutoa ushirikiano kama alivyoutoa Mh.Filikunjombe kwa wakati basi anaamini ukarabati huo uatafanyika mapema kwani mpaka sasa bado ni msimu wa mvua.

Mwalimu Mjujulu alisema licha ya ukarabati huo wa vyumba vya madarasa matatu pia chule hiyo inatakiwa kubomoleawa yote mpaka usawa wa madirisha na kujengwa upya kutokana na shule hiyo kujengwa mwaka 1945 mpaka sasa kwani kuta zake zina nyufa mabazo ni hatari kwa wanafunzi.

Mwisho.