FILIKUNJOMBE AENDELEA KUTEKELEZA AHADI ZAKE POMOJA NA VITEMBELEA VIJIJI VYOTE 77 VYA WILAYA YA LUDEWA.

mmoja wa waumini wa kanisa la Anglikana mzee Ndicheliwe akibeba box la malumalu kuingiza kanisani

 mama mwasanga akibeba box la malumalu

 vifaa vikiombewa ndani ya kanisa

 Diwani wa kata ya Ludewa Bi Monica Mchilo akiwajibika

hili ndilo kanisa litakalo fanyiwa ukarabati

Mbunge wa jimbo la Ludewa Mh.Deo FIlikunjombe ameendelea kutekeleza ahadi zake kwa wananchi wa jimbo lake pamoja na lengo alilojiwekea la kuvitembelea vijiji vyote 77 vya wilaya ya Ludewa ili kuweza kuona changamoto vinazowakabili wananchi.

Akitekeleza ahadi hizo katika kanisa la Anglikana Ludewa mjini kwa niaba ya Filikunjombe jana katibu wa mbunge huyo Bw.Stanley Gowele alisema lengo la Filikunjombe ni kuona ahadi zake alizozitoa kwa wananchi wakati akiomba kura anazitekeleza.

Bw.Gowele alisema licha ya kuwa Filikunjombe anauguliwa na babayake mzazi kwa kipindi kirefu akiwa nchini India lakini bado anatafuta fedha za kuweza kutekeleza ahadi zake kwani kwa kutofanya hivyo atakuwa kawasaliti wananchi wake waliomchagua kuwa mwakilishi wao.

Akikabidhi ahadi hizo Gowele aliweza kuukabidhi uongozi wa kanisa la Anglikana mbele ya waumini wa kanisa hilo jumla ya mifuko 20 ya saruji na katoni 50 za malumalu vyote vikigharimu kiasi cha shilingi milioni 2.5 ili kulifanyia ukarabati wa kanisa hilo sehemu ya Madhabahu.

“nimetumwa na Mbunge wenu Deo Filikunjombe kuwakabidhi vitu hivi vikiwa ni saruji mifuko 20 na malumalu katoni 50 ambazo aliwaahidi kuwaletea,ila amesisitia anaomba maombi yenu muendelee kumuombea kwa Mwenyezi Mungu Baba yake mzazi mzee Filikunjombe ambaye anaumwa na yuko kwa matibabu nchini India”,alisema Gowele.

Aidha katibu wa kanisa hilo Bw.Stephan Kalinjila Mtweve akishukuru kwa niaba ya waumini wa kanisa hilo aliweza kumpa pole mbunge huyo kwa kuuguliwa na mzazi wake na kukili kuwa  Filikunjombe amekuwa msikivu kila uongozi wa kanisa hilo unapojaribu kumshirikisha mambo yao ya kiutendaji.

Bw Kalinjila alisema kuwa waumini wa kanisa hilo wako bega kwa bega na mbunge wao katika kila hali kwani wanafanya maombi ili baba mzazi wa mbunge huyo aweze kupona na kuendelea na majukumu yake ya kila siku kutokana na mzee huyo kuwa na hekma na busara pale wanapoomba ushauri kutoka kwake.

Alisema wamekuwa wakimsikia Mbunge wao akitekeleza ahadi zake maeneo mbalimbali katika jimbo lake na hatimaye nao pia wameweza kutekelezewa kama alivyo waahidi hali hiyo inawatia moyo wananchi wa wilaya ya Ludewa na kuamini mwakilishi wao anawajali katika matatizo waliyonayo.

Mwisho.