CCM WILAYA YA LUDEWA YAADHIMISHA MIAKA 40 KIJIJI CHA KIYOGO.

Mbunge mstaafu wa jimbo la Ludewa  ambaye ndiye Mwenyekiti wa Chama Cha Mapinduzi wilaya ya Ludewa Mzee Stanley Kolimba akiwahutubia wananchi wa kijiji cha Kiyogo.

Mbunge mstaafu wa jimbo la Ludewa  ambaye ndiye Mwenyekiti wa Chama Cha Mapinduzi wilaya ya Ludewa Mzee Stanley Kolimba akiwahutubia wananchi wa kijiji cha Kiyogo.

kulia ni Mwenyekiti wa ccm wilaya ya Ludewa mzee Stanley Kolimba,katikati ni Mwenyekiti wa Halmashauri ya wilaya ya Ludewa Mh.Edward Haule na anayefuata ni Makamu katibu wa CCM wilaya ya Ludewa Bw.Enzi Elias wakifuatilia jambo katika sherehe hizo

Makamu kati wa ccm wilaya ya Ludewa Enzi Elias  akimkaribisha Mwenyekiti wa ccm wilaya ili aweze kuwahutubia wananchi

Viongozi wa ccm wilaya wakisalimiana na wachezaji wa timu za mpira wa miguu kutoka vijiji vya Lihagule na Kingole ambao walikuwa wakicheza fainali ya mashindano ya miaka 40 ya ccm wilaya ya Ludewa.

Viongozi wa ccm wilaya wakisalimiana na wachezaji wa timu za mpira wa miguu kutoka vijiji vya Lihagule na Kingole ambao walikuwa wakicheza fainali ya mashindano ya miaka 40 ya ccm wilaya ya Ludewa. 

Makamu kati wa ccm wilaya ya Ludewa Enzi Elias akitambulisha ugeni kutoka wilayani

 Mwenyekiti wa Halmashauri ya wilaya ya Ludewa na diwani wa kata ya Ibumi Mh.Edward Haule akiwasalimia wananchi.

mjumbe wa mkutano mkuu wa ccm Taifa mzee Thobias Lingalangala akifuatilia jambo

Ngoma ya asili ya Kihoda ya kijiji cha Kingole

kikundi cha Ngoma ya Asili ya Mganda ya kijiji cha Kiyogo

Mwenyekiti wa Halmashauri ya wilaya ya Ludewa Mh.Haule akimkabidhi rambirambi mzazi wa mtoto ambaye aliuawa na Mamba katika mto Ruhuhu na mwili wake kutopatikana hadi leo.

Makamu kati wa ccm wilaya ya Ludewa Enzi Elias akitambulisha ugeni kutoka wilayani 

Mwenyekiti wa Halmashauri ya wilaya ya Ludewa Mh.Haule akimkabidhi rambirambi mzazi wa mtoto ambaye aliuawa na Mamba katika mto Ruhuhu na mwili wake kutopatikana hadi leo. 

Mwenyekiti wa Halmashauri ya wilaya ya Ludewa Mh.Haule akimkabidhi rambirambi mzazi wa mtoto ambaye aliuawa na Mamba katika mto Ruhuhu na mwili wake kutopatikana hadi leo.

Sherehe za ccm wilaya ya Ludewa kutimiza miaka 40 zimeazimishwa kiwilaya katika kijiji cha Kiyogo katika kata ya Masasi ikiwa ni moja ya mbinu za kusikiliza na kutafua kero zinazokikabili kijiji hicho ikiwemo ukosefu wa maji safi na salama tatizo ambalo ni sugu kwa kijiji hicho wakati kitaifa sherehe hizo zimeazimishwa mjini Dodoma.

Akitoa hotuba mgeni rasmi katika sherehe hizo mbunge mstaafu ambaye ni Mwenyekiti wa Chama cha Mapinduzi wilaya ya Ludewa Mzee Stanley Kolimba alisema kuwa CCM ni chama kilicholeta ukombozi Afrika hivyo kimekuwa kikiendelea kutatua changamoto kwa wananchi wake kadiri muda unavyokwenda.

Mzee Kolimba alisema changamoto kubwa zinazowakabili wananchi wa kijiji cha kiyogo ni pamoja na ukosefu wa maji safi na salama,ukosefu wa nishati ya umeme pamoja na miundombinu mibovu ya barabara na ndicho kilichowafanya viongozi wakapanga sherehe hizo zikafanyika kijiji hicho.

Alisema wananchi wa kijiji cha kiyogo wamekuwa wakihisi kuwa wametengwa na uongozi wa wilaya kutokana na kutumia maji machafu kwa matumizi ya nyumbani ikiwa maji hayo yamechafuliwa na wachimbaji madini katika vijiji vya Amani na vile vya mkoa wa Ruvuma,lakini kiukweli Serikali inalijua hilo na tayari mbunge wa jimbo ameanza kulifanyia kazi.

“Chama cha mapinduzi na Serikali kwa ujumla inayatambua matatizo mliyo nayo hivyo mh.mbunge wenu Deo Ngalawa anasema maji safi yanakuja pamoja na umeme pia uboreshaji wa miundombinu ya barabara utafanyika mwaka huu hivyo msijihisi ni wapweke kuwa mpakani huku.”,alisema Mzee Kolimba.

Awali wananchi wa kijiji hicho walilalamikia kukosekana kwa miundombinu ya kuunganicha kijiji cha Kiyogo na kijiji cha Kipingu kata ya Ruhuhu ili kuwapa urahisi kupata huduma ya hospitari kubwa ya Lituhi katika wilaya ya Nyasa kwani kivuko cha mitumbwi kimekuwa ni hatari kwao kutokana na mtu Ruhuhu kuwa na Mamba wengi pamoja na Viboko.

Akijibu swali hilo mwenyekiti wa Halmashauri ya wilaya ya Ludewa ambaye pia ni Diwani wa kata ya Ibumi Mh.Edward Haule alisema kuwa mchakato wa kuunganisha kijiji cha Kiyogo na kijiji cha Kipingu kwa Barabara utafanyika lakini hasa wananchi wenyewe wanatakiwa kutambua umuhimu wa barabara hiyo kwa kuanza kuichimba kwa nguvu zao.

Mh.Haule alisema kuwa vijiji vingi wilayani Ludewa vimeungana kwa kuanza kuchimba barabara kwa nguvu zao hivyo wananchi wa Kijiji cha Kiyogo wanatakiwa kuianza barabara hiyo ambayo ni fupi kuungana na kijiji cha Kipingu hivyo hata yeye na wadau wengine pamoja na Diwani wa kata ya Masasi wanashiriki katika uanzishwaji wa barabara hiyo kwani yeye ni mtaalamu wa barabara za vijiji.

Aidha makamu katibu wa chama cha mapinduzi wilaya ya Ludewa Bw.Enzi Elias alisema kuwa ccm imekuwa mstari wa mbele katika kuhakikisha watanzania wanaishi maisha mazuri hasa katika kuhakikisha huduma za jamii zinapatikana kiurahisi hivyo vijana wanatakiwa kuunda vikundi ili kuweza kupata mikopo itakayo wakwamua kiuchumi.

Bw.Enzi aliwapongeza wananchi wa kijiji cha Kiyogo kwa kukiamini na kuendelea kuchangua chama cha mapinduzi kuiongoza Tanzania kwani kijiji hicho hakuna kiongozi yeyote wa upinzani ambaye ameweza kupewa nafasi kuanzia katika vitongozi hadi kijiji wote ni ccm pia aliwataka kujiandaa na uchaguzi wa ndani ya chama na kila mwanachama anahaki ya kugombea ili awe kiongozi.

Mwisho.