UWT WILAYA YA LUDEWA YAAZIMISHA SIKU YA WANAWAKE KWA KUWATEMBELEA WATOTO YATIMA KITUO CHA LUGARAWA.

 Mwenyekiti wa UWT wilaya ya Ludewa Mh.Mery Mapunda akikabidhi vifutu mbalimbali kwa mlezi wa watoto yatima Lugarawa

  Mwenyekiti wa UWT wilaya ya Ludewa Mh.Mery Mapunda akikabidhi vifutu mbalimbali kwa mlezi wa watoto yatima Lugarawa

wanachama wa UWT kata ya Lugarawa wilayani Ludewa wakiwa na viongozi wao wa wilaya

 vitu mbalimbali vilivyokabidhiwa na uwt kwa watoto wa kituo cha kulelea watoto yatima cha Lugarawa wilayani Ludewa

Mtoto Vicent Mchilo(miezi 5)ni mmoja wa watoto walioacha na mama zao wakiwa wadogo,mama zao walifariki mara baada ya kujifungua.

 Mwenyekiti wa UWT Ludewa Mh.Mery Mapunda akiwa na mtoto yatima

Katibu wa UWT wilaya ya Ludewa Bi.Maimuna Mwakaje akiwa anafuraha kumshika mtoto yatima Vicent Mchilo

Diwani wa kata ya Lugarawa Mh.Philomena Haule akiwa amempakata mtoto yatima

Viongozi pamoja na wanachama wa UWT Lugarawa wakifanya maandambano kutoka katika ofisi za kata mpka ktk kituo cha watoto yatima Lugarawa

 Wanachama wa Uwt kata ya Lugarawa wakipata chakula baada ya kikao cha ndani

Umoja wa wanawake Tanzania wa chama cha Mapinduzi(UWT)wilayani Ludewa katika mkoa wa Njombe umeazimisha siku ya wanawake Duniani kwa kuwatembelea watoto yatima katika kituo cha watoto yatima cha Lugarawa ambapo misaada ya vitu mbalimbali imetolewa na umoja huo katika kituo hicho.

Akiongea na walezi wa watoto yatima wa kituo cha Lugarawa Mwenyekiti wa UWT wilaya ya Ludewa Mh.Mery Mapunda ambaye pia ni Diwani wa viti maalum kata ya Ludewa alisema kuwa  wanawake wa umoja huo wameguswa wilayani Ludewa wameguswa na uwepo wa kituo hicho ambacho ni msaada mkubwa kwa watoto yatima .

Mh.Mery Mapunda alisema kuwa wao kama akina mama wanaujua uchungu wa mtoto hivyo ili kuonesha kuwa wanajua kulea familia waliona ni vyema kwenda kutoa msaada kwa watoto hao ambao ni wadogo kwa umri kwani wengine wanaumri chini ya miezi mitano na waliletwa kituoni hapo baada ya mama zao kufariki dunia wakati wakijifungua.

Vifaa ambavyo vimetolewa na akina mama hao ni pamoja na Nguo,Sukari,Sabuni,Miswaki,Mafuta ya kupakaa,Daftari,Penseli na maharange kwani kituo hivyo kinachosimamiwa na Kanisa Katoriki Parokia ya Lugarawa jimbo la Njombe kimekuwa ni kituo cha kwanza wilayani Ludewa chenye uwezo wapokea watoto wadogo wanaofiwa na mama zao wakati wa kujifungua.

Naye katibu wa UWT wilaya ya Ludewa Bi.Maimuna Mwakaje amewataka wadau mbalimbali ndani ya wilaya ya Ludewa na Nje ya wilaya kuchangia misaada mbalimbali kwa watoto hao kwani wanauhitaji mkubwa wa Sukari,Sabuni,mavazi na chakula kutokana na umri waliokuwa nao.

Bi.Maimuna aliwapongeza walezi wa watoto hao ambao ni watawa wa kanisa katoliki jinsi ambavyo wanawatunza watoto hao kwa upendo wa hali ya juu kwani baadhi ya watoto hao hawazijui sura za mama zao kutokana na mama zao kufariki muda mchache wakati wakijifungua na kuwaacha watoto hao wakiwa hwana kumbukumbu za wazazi wao.

“nawapokeza walezi wote kwani tumefika hapa tumeona uhalisia wa watoto hawa wakiwalilia na kutaka kubebwa na ninyi na hawahitaji kubebwa na watu wengine hivyo inaonesha ni jinsi gani mnawajali na kuwapenda,sisi kama umoja wa wanawake wa chama cha mapinduzi tumeona siku ya wanawake tuazimishe kwa kuwatembelea watoto hawa na kutoa kidogo tulicho nacho”,alisema Bi.Maimuna.

Akishukuru kwa niaba ya watoto hao na walezi wote Sister Koldula Mtewele OSB alisema kuwa kuwa kituo hicho awali kilikuwa kikihudumiwa na wazungu,lakini kwa sasa wamekabidhiwa wazawa baada ya wazungu hao kumaliza muda wao wa kuishi nchini na kurudi kwao hivyo shukrani ziuendee UWT wilaya ya Ludewa kwa kuguswa na changamoto zinazowakabili watoto hao.

Sister Koldula OSB alisema kuwa watoto hao wanachangamoto nyingi hasa maziwa kwani kuma mtoto mmoja anayeitwa Vicent Mchilo(5)ambaye mama yake alifariki akijifungua na kumuacha anatumia kopo mbili za maziwa kwa wiki na nimaziwa maalum ambayo huuzwa shilingi elfu ishirini na tano kwa kopo hivyo imekuwa ni shida pale wanapokosa fedha ya kununulia maziwa hayo.

Alisema kuwa kuna watoto wengine wanasoma awali na darasa la kwanza lakini wengine ni wadogo mno ambao wanahitaji uangalizi wa karibu muda wote hivyo wanahitaji vyakula muda wote,pia jamii inapaswa kuunga mkono jitihada za kituo hicho kwa kujitolea vitu mbalimbali ambavyo vitasaidia ukuaji wa watoto hao ambao ni viongozi wa baadaye.

Mwisho.