SERIKALI YATILIANA SAINI NA MKANDARASI UJENZI CHUO CHA VETA SHAURIMOYO WILAYANI LUDEWA.

 mkuu wa wilaya ya Ludewa Mh.Andrea Tsere akihutubia wananchi wa kijiji cha Shaurimoyo

wananchi wa Shaurimoyo wilayani Ludewa wakikubaliana jambo la kutolipwa fidia na mkuu wa wilaya ya Ludewa Mh.Tsere.

 Mhandishi Sanyiel Kishimbo ambaye ni Mkurugenzi wa kampuni ya Herkin Builders LTD akisaini mkataba wa ujenzi wa chuo cha VETA kijiji cha Shaurimoyo

Ramani ya chuo cha Veta Shaurimoyo 

Mhandishi Sanyiel Kishimbo ambaye ni Mkurugenzi wa kampuni ya Herkin Builders LTD akikabidhiwa mkataba wake kwa Mhandishi mshauri wa VETA

Mhandisi Suzani ambaye anasimamia kata ya nyanda za juu kusini akisaini mkataba

 Hivi ndivyo sura ya  chuo cha veta Shaurimoyo kitakavyokuwepo

 Katibu wa mbunge wa jimbo la Ludewa Bw.Fungatwende akiongea na wananchi wa shaurimoyo

Mhandishi Sanyiel Kishimbo ambaye ni Mkurugenzi wa kampuni ya Herkin Builders LTD akiongea na wananchi wa kijiji cha Shaurimoyo katika wilaya ya Ludewa.

Serikali wilayani Ludewa katika mkoa wa Njombe kupitia wataalam wa VETA Taifa imeingia mkataba rasmi jana na mkandarasi ambaye ni HERKIN BUILDERS LTD kutoka jijini Dar es Salaam ili kufanikisha ujenzi wa chuo cha VETA cha mkoa wa Njombe kinachojengwa wilayani Ludewa katika kijiji cha Shaurimoyo kata ya Lugarawa.

Akitoa ufafanuzi kuhusiana na ujenzi wa chuo hicho mkuu wa wilaya ya Ludewa Mh.Andrea Tsere alisema kuwa ni heshima ya pekee ambayo wilaya ya Ludewa imepewa kujengwa chuo chenye hadhi ya mkoa ikiwa ni ilani ya chama cha mapinduzi ya Serikali ya awamu ya tano.

Mh.Tsere alisema chuo hicho cha VETA kitagharimu kiasi cha shilingi 9.8 bilion kwa makisio ya awali pia chuo hicho kitatoa kozi ambazo zitaendana na mahitaji ya migodi mikubwa miwili inayotarajia kuanza hivi karibuni ya mchuchuma kule Nkomang’ombe na chuma cha Liganga ambapo wanafunzi watakaohitimu chuo hicho na kufaulu vizuri wanauwezekano mkubwa wa kuajiriwa katika migodi hiyo.

Aliwataka wananchi wa Shaurimoyo kuonesha ushirikiano mkubwa kwa mkandarasi aliyepewa kazi hiyo ili aweze kuifanya kazi hiyo kwa haraka pia alimtaka mkandarasi huyo kutoa ajira zaidi kwa vijana wa wilaya ya Ludewa ili kuongeza kipato kwa wanaludewa kwani kumekuwa na kasumba kwa baadhi ya wakandarasi kutoka na vibarua pia mafundi maeneo mengine na kuacha wenyeji wakiwa watazamaji tu.

“Nakuagiza mkandarasi kuangalia nafari za kazi katika ujenzi wa chuo hiki kwani tunavija wetu hapa hawanakazi  nahii ni fulsa kwao kupata kazi za vibarua pia mafundi ujenzi wako hapa,kumekuwa na tabia ya baadhi ya wakandarasi kusafiri na wafanyakazi pamoja na vibarua kutoka maeneo mengine na kuwaacha wenyeji wakiwa watazamaji,jambo hilo hapa kwetu hatutaki litokee”,alisema Mh.Tsere.

Aidha Mkurugenzi wa kampuni ya Herkin Builders LTD Mhandishi Sanyiel Kishimbo alisema kuwa mkataba alioingia na Serikali ni mzuri kwani ujenzi utaanza rasmi tarehe 9 January 2017 na ataikabidhi funguo za Chuo tarehe 25 August 2017 kusipotokea tatizo lolote hivyo aliwataka viongozi wa Serikali na wananchi kumpatia ushirikiano ili kufanikisha ujenzi huo.

Mhandishi Kishimbo alisema kuwa richa ya kuwa na changamoto ya usafirishaji wa vifaa lakini Serikali imempatia muda wa siku 28 kusogeza vifaa vya ujenzi katika eneo la mradi hivyo vijana wanapaswa kujiandaa na fulsa ya ajira kama alivyosema mkuu wa wilaya ya Ludewa Mh.Andrea Tsere.

Mwisho.