SHIRIKA LA TINSMITH LAWATAKA VIJANA WILAYANI LUDEWA KUCHANGAMKIA FULSA ZILIZOPO.

Mwenyekiti wa Ludewatinsmith Bw.Vianely Ngailo akiwaonesha waandishi wa habari mizinga ya Nyuki ambayo wameitengeneza tayari kwa kuigawa katika vikundi vingine

 Katibu wa Ludewatinsmith Bw.Bahati Mtweve akionesha mizinga ya Nyuki

Mwenyekiti wa Ludewatinsmith Bw.Vianely Ngailo akitoa taarifa ya shirika lao

Prof.Ludwig Gernhardt akiongea na uongozi wa Ludewatinsmith

Bw.Willbad Mwinuka akiongea na uongozi wa Ludewatinsmith

  Prof.Ludwig Gernhardt akiwaaga wanachama wa Ludewatinsmith

Vijana wilayani Ludewa katika mkoa wa Njombe wametakiwa kuchangamkia Fulsa za uwekezaji ili kwenda na wakati ambapo fulsa hizo ni pamoja na upandaji miti,ufugaji wa Nyuki na Samaki pia kujiunga na vikundi mbalimbali ambavyo vitawasaidia kupata mikopo kiurahisi.

Akiongea na waandishi wa habari Ofisini kwake jana  mwenyekiti wa LudewaTinsmith group wilayani Ludewa Bw.Vianely Ngailo alisema kuwa Idadi kubwa ya vijana wilayani hapa bado hawajitambui katika uwekezaji hivyo elimu juu ya nini kifanyike kwa vijana inahitajika haraka iwezekanavyo ili kuwanusuru vijana katika wimbi la umaskini.

Bw.Ngailo alisema kuwa shirika la LudewaTinsmith lilianza kwa shida likiwa na idadi ndogo ya wanachama lakini kwa kutambua fulsa za uwekezaji wilayani Ludewa limeweza kujipanua na kufanya mambo makubwa ambayo yamekuwa ni msaada kwa vijana walio wengi kwani mpaka sasa wanajitegemea katika maisha yao.

Alisema kutokana na mipango waliojiwekea katika shirika lao wameweza kuaminiwa na wadau mbalimbali na kupewa kazi kubwa kwani shirika hilo linajihusisha na utoaji wa mafunzo ya ufundi uselemala,uungaji vyuma na ufundi magari ambao mpaka sasa vijana wengi hujiunga katika shirika hilo kwa lengo la kunufaika na fulsa hilo ambayo ni msingi wa maisha.

Bw.Ngailo alisema kuwa hivi sasa wameweza kupata tenda kutoka kwa Prof.Ludwig Gernhardt  ya kutengeneza Mizinga ya nyuki na tayari wameshatengeneza mizinga 30 na kukikabidhi kikundi kingine cha vijana ambacho kinajihusisha na ufugaji wa Nyuki kiitwacho ASHTECH GROUP chenye makao yake wilayani Ludewa.

“Idadi kubwa ya vijana wilayani Ludewa bado hawatambui fulsa zinazowazunguka ambazo zinaweza kuwatoa katika wimbi la Umaskini,kwani sisi tulianza kwa shida lakini hivi sasa tumekuwa na vijana wengi ambao tumewapatia mafunzo na tayari wanaendesha maisha yao pia tumeanza kufanya kazi na vikundi vingine vya vijana kwa kuvichongea mizinga kwa ufadhiri wa Prof.Ludwig Gernhardt kutoka nchi ya Ujerumani”,Alisema Bw.Ngailo.

Naye katibu wa shirika hilo Bw.Bahati Mtweve alisema kuwa kutokana na kazi wanazozifanya na kutumia fulsa zilizopo wafadhiri kutoka mataifa mbalimbali Duniani yameanza kuonyesha nia ya kutoa ufadhiri wa shirika hilo ili liendelee kuzalisha vinaja ambao wataweza kuzitumia fulsa zinazowazunguka.

Bw.Mtweve alisema mpaka sasa Prof.Ludwig Gernhardt  raia wa Ujeruman aliweza kulitembelea shirika hilo na kujionea kwa macho kazi zinazofanywa na shirika la LudewaTinsmith ambapo alitoa ahadi ya kuwasaidia vifaa vya kisasa zaidi vya ufundi Seremala ili waendendelee na juhudi za kuzalisha vijana katika ufundi.

Alisema licha ya Mjeruman huyo kutoa ahadi ya vifaa vya ufundi pia alilipatia shirika hilo kazi ya kuchonga mizinga ya Nyuki na kukikabidhi kikundi kingine cha vijana kijulikanacho kama Ash-tech group ambacho kinajishughurusha na  ufugaji wa Nyuki,Samaki,upandaji wa miti na uchimbaji wa visima ambapo mpaka sasa vijana hao tayari wameshakabidhiwa mizinga 30.

Bw.Mtweve alisisitiza kuwa wilaya ya Ludewa inafulsa nyingi za uwekezaji lakini bado vijana hawana elimu ya Kutosha kuzitumia fulsa hizo hivyo kinachohitajika ni mashirika mbalimbali yasiyo ya Kiserikali kuisaidia Serikali katika kuhamasisha kundi la vijana kuchangamkia fulsa zilizopo.

Mwisho.
0762781393 mwenyekiti