WAZAZI WILAYANI LUDEWA WATAKIWA KUTAMBUA UMUHIMU WA ELIMU KWA WATOTO WAO WAKIWA ANGALI WADOGO.

Baadhi ya majengo ya madarasa ya shule ya Morning Star Pre&Primary English Medium School wilayani Ludewa katika mkoa wa Njombe

Baadhi ya majengo ya madarasa ya shule ya Morning Star Pre&Primary English Medium School

 kibao cha shule

 Lango la kuingilia Mornig Star Ludewa

Baadhi ya majengo ya madarasa ya shule ya Morning Star Pre&Primary English Medium School

 Lango la kuingilia shuleni hapo

 Baadhi ya majengo ya madarasa ya shule ya Morning Star Pre&Primary English Medium School

 Baadhi ya majengo ya madarasa ya shule ya Morning Star Pre&Primary English Medium School

Wazazi wilayani Ludewa mkoa wa Njombe wametakiwa kutambua umuhimu wa elimu kwa watoto wao tokea wakiwa wadogo kwa kuwapeleka watoto hao katika shule Binasfi ambazo zinatoa elimu kwa Lugha ya Kingereza ili kuendana na soko la ajira Duniani kwani bado mwamko wa elimu uko chini sana tofauti na maeneo mengine nchini.

Akizungumza na waandishi wa habari ofisini kwake leo mkurugenzi wa shule ya Morning star Pre& Primary English Medium School wilayani hapa Bw.Maulid Mwingira alisema kuwa bado wazazi wa wilaya ya Ludewa hawajawa na mwamko wa kutosha kuitumia shule hiyo kutokana na mazoea waliyoyazoea ya kuwapeleka watoto wao katika shule za msingi za Serikali ambazo hufundishwa kwa Lugha ya Kiswahili zaidi.

Bw.Mwingira alisema kuwa shule ya Morning Star imekuwa shule pekee Ludewa mjini inayojihusisha na utoaji wa elimu kuanzia darasa la awali kwa Lugha ya Kiingereza  kwani kabla ya shule hii hapakuwa na shule nyingine katika mji wa Ludewa hali iliyokuwa ikiwafanya baadhi ya wazazi wapenda elimu kuwapeleka watoto wao katika wilaya ya Njombe na maeneo mengine.

Alisema wakati umefika sasa kwa wazazi wa wilaya ya Ludewa kuwaandaa watoto wao katika soko la Ajira kwa kuwapeleka Morning star ili waweze kujifunza Lugha ya Kiingereza tokea wakiwa wadogo na kuacha mazoea ya kuwapeleka kuchunga ng’ombe na kufanya vibarua wakisubiri umri ufike wakaanze darasa la kwanza katika umri mkubwa shule za Serikali.

Bw.Mwingira alisema shule yake ya Morning Star ilianza mwaka 2015 january na mpaka sasa inajumla ya wanafunzi 99 wakiwemo wakike 47 na wakiume 52 ambapo elimu inayotolewa hapo ni nzuri kwani wanapata mafunzo ya kompyuta pia hali ambayo imekuwa ni kivutio kwa wazazi wengi wanaotoka wa maeneo tofauti na wilaya ya Ludewa.

“Shule hii ni ukombozi mkubwa kwa wanaludewa kwani awali walikuwa wanawapeleka watoto wao wilaya za mbali na Ludewa kutafuta elimu lakini sasa tumewasogezea jirani lakini cha kushangaza wilaya za Njombe na nyinginezo wanawaleta watoto wao katika shule ya Morning Star lakini wazawa wa Ludewa bado wamekuwa wakusuasua kuwaleta watoto wao,ushauri wangu kwenu tumieni fulsa hii ili kuendana na soko la ajira pia kuwa na vijana wenye uwezo wa kuongea Lugha ya kiingereza na wawekezaji wanaotarajia kuja Ludewa”,alisema Bw.Mwingira.

Naye Mwalimu mkuu wa shule hiyo Boaz Kwenje alisema kuwa shule hiyo ni ya Bweni na kutwa hivyo kwa wale wenye watoto wao majumbani ambao wanasoma na kurudi makwao huchukuliwa na magari nyakati za asubuhi na kurudishwa jioni kwa uangalizi mzuri ambao wazazi pamoja na watoto wao huufurahia kwani ni shule ya kwanza ambayo haijawahi kuwepo katika mji wa Ludewa.

Mwalimu Kwenje alisema kuwa shule hiyo ina walimu wa kutosha na wenye uzoefu mkubwa  hivyo inatangaza pia nafasi za masomo kwa waliohitimu kidato cha nne ambao wanahitaji kupata mafunzo ya kompyuta shule hiyo inawakaribisha kwa mwaka wa masomo 2017-2018 hivyo hivyo kwa watoto wanaotaka kujiunga na madarasa ya Awali na darasa la kwanza pamoja na la pili nafasi zipo.

Alisema kuwa mpaka sasa wazazi wengi wamejenga imani na shule hiyo kutokana na ukweli usiopingika kuwa Morning star inatoa elimu bora na isiyo na mashaka kwani imekuwa ikishindana na shule nyingine za watoto katika mitihani na kushika nafasi nzuri.

Mwisho.

Kwa mawasiliano. 0756-654607/ 0759-238705/0764-279158.