MKUU WA MKOA IRINGA AKABIDHI MABATI 371 KWA HALMASHAURI

MKUU WA MKOA IRINGA AKABIDHI MABATI 371 KWA HALMASHAURI

Mkuu wa Mkoa  wa Iringa ametoa mchango wa mabati 371 kwa halmashauri za wilaya ya Iringa kwa ajili ya kusaidia ujenzi wa maabara kwa baadhi ya shule za serikali za kata.

Mchango huo ulikabidhiwa na Mkuu wa Mkoa wa Iringa, Amina Juma Masenza kwa Mkuu wa Wilaya ya Iringa, Leticia Warioba katika hafla fupi ya makabidhiano iliyofanyika katika viwanja vya ofisi ya mkuu wa mkoa leo.

Wilaya ya Iringa ina halmashauri mbili ambazo ni Halmashauriya Manispaa ya Iringa na halmashauri ya Wilaya ya Iringa.

Masenza alisema kuwa mchango huo ni kwa ajili ya kuunga juhudi za serikali katika ujenzi wa maabara kwenye shule za serikali za kata utakaosaidia wanafunzi wengi kupenda masomo ya sayansi na baadaye kuzalisha wataalamu wengi zaidi nchini.

Alisema kuwa kukosekana kwa maabara katika shule nyingi za serikali kunasababisha wanafunzi wengi hasa watoto wakike kuogopa kuchukua masomo ya sayansi.

Aidha, halmashauri zilizonufaika msaada huo mabati ni pamoja na Manispaa ya Iringa na Wilaya Iringa.

Awali, Katibu Tawala wa Mkoa wa Iringa, Wamoja Ayub alisema kuwa Mkoa wa Iringa unahitaji jumla ya maabara 318 kwa shule 106 za sekondari mkoani, ambapo maabara zilizopo kwa sasa ni 48 tu.

Alisema kuwa ujenzi wa maabara  katika sehemu nyingi zipo katika hatua mbalimbali za ujenzi na kuwaomba wadau zaidi wajitokeze kusaidia juhudi ya serikali ya kujenga maabara zaidi.

Alisema kuwa mkuu wa mkoa kwa niaba ya ofisi ya mkuu wa mkoa iringa alikabdhi mabati 180 kwa Halmashauri ya Manispaa ya Iringa na mabati zingine 192 yalikabidhiwa kwa Halmashauri ya Wilaya ya Iringa, zenye geji ya 28.

Kwa upande wake, Mkuu wa Wilaya ya Iringa, Leticia warioba akipokea mabati kwa niaba ya wakurugenzi wa halmashauri hizo alimshukuru mkuu wa mkoa wa Iringa kwa juhudi yakufanyikisha ujenzi wa maabara kwa shule hizo za wilaya.

 Na Friday Simbaya, Iringa