hii ni barabara ya Ugera
Jumla
ya shilingi laki tano zimepatikana katika harambee iliyofanyika hivi
karibuni ili kuharakisha ujenzi wa ofisi ya kata ya Mkongobaki na
kufanikisha maendeleo shule za msingi katika kata hiyo iliyoko kijiji
cha Ugera wilayani Ludewa katika mkoa wa Njombe.
Akiendesha
harambee hiyo mwenyekiti wa Halmashauri ya wilaya ya Ludewa
Mh.Mathei Kongo alisema ili kufanikisha maendeleo ya vijiji na kata
ni lazima wananchi wajitambue katika kutoa michango yao ya hali na
mali pasipo kuitegemea Serikali.
Mh.Kongo
alisifu maendeleo ya kata hiyo kwa kuwa na barabara inayopitika na
kuwepo uhakika wa maji safi na salama ambapo baadhi ya vijiji
wilayani humo bado havina huduma kama hizo.
“Nachukua
fulsa hii kuwasifuni wananchi wa kata ya Mkongobaki,viongozi wa
kata,vijiji pamoja na Diwani wenu kwa maendelo mliyoyafanya kwani ni
mfano wa kuigwa tofauti na kata hata vijiji vingine ambavyo bado
vinasubiri mkono wa Serikali katika kuleta maendeleo”,alisema
Mh.Kongo.
Akisoma
taarifa ya maendeleo Diwani wa kata ya Mkongobaki Mh.Ally Mtweve
alisema licha ya kuwa wananchi wa kata hiyo wanafanya kazi kwa juhudi
ili kujiletea maendeleo pia Halmashauri ya wilaya ya Ludewa imekuwa
ikitoa fedha za miradi katika kata hiyo.
Mh.Mtweve
alisema katika ujenzi wa ofisi ya kata ambao unafanyika katika kijiji
cha Ugera ambako ndiko makao makuu ya kata ya Mkongobaki Halmashauri
imetoa kiasi cha shilingi 15 milioni na wananchi wamechangia shilingi
2 milion jumla ya fedha zote zilizoanza ujenzi ni shilingi 17 milioni
lakini bado hazijaweza kumaliza ujenzi wa jengo hilo.
Alisema
kata hiyo imekuwa na miradi mitatu mikubwa ambapo mradi wa barabara
umegharimu kiasi cha shilingi 36 milioni,mradi wa ujenzi wa ofisi ya
kata shilingi 17 milioni na mradi wa maji ambao umejengwa na shilika
lisilo la kiserikali umetumia kiasi cha shilingi 102 milioni.
Mh.Mtweve
alisema mpaka sasa wananchi wa kata hiyo wanaendelea kujitolea katika
kazi mbalimbali ili kuhakikisha maendeleo ya kata hiyo ambayo ni mpya
inakwenda sawa na kata kongwe kama zile za Lugarawa na Mlangali.
Alimshukuru
mbunge wa jimbo la Ludewa Mh.Deo Filikunjombe kwa kuwa mstari wa
mbele katika maendeleo ya kata hiyo kwani wakati mwingi amekuwa
akiwatembelea na kutoa ushauri katika mambpo mbalimbali
yakimaendeleo.
Mh.Mtweve
aliwataka wananchi wa kata ya Mkongobaki kuacha ushabiki wa vyama
badala yake kujikita katika maendeleo bila kujali itikadi za vyama
kwani katika maendeleo hakuna chama cha siasa.
Aidha
mkurugenzi wa shirika lisilo la kiserikali la PADECO Bw.Wilbard
Mwinuka ambalo linafanya usambazaji wa maji katika kijiji cha ugera
kata ya Mkongobaki na kitongoji cha Muhumbi katika kijiji cha
Lipangala alisema mradi huo unatarajia kukamilika ifikapoJuni mwaka
huu.
Bw.Mwinuka
alisema shirika la PADECO lenye makao yake makuu mkoani Njombe kwa
kushirikiana na Halmashauri ya wilaya ya Ludewa limeweza kupata
ufadhiri nchini Hispania kiasi cha shilingi 102 milioni ambazo
zinafanya kazi ya ujenzi wa matenki na utandikaji wa bomba.
Alisema
mpaka sasa tayari kazi hiyo iko ukingoni kwani imeweza kufanyika
haraka kutokana na uelewa mkubwa wa wananchi wa vijiji husika ambao
walifanya kazi kwa kujitolea ili kuharakisha miradi ya vijiji vyao.
Alizitaja
changamoto alizokumbana nazo ni pamoja na upatikanaji wa mchanga wa
kujengea matanki ya maji,usafirishaji wa vifaa vya ujenzi kwani msimu
wa mvua barabara ziliharibiwa sana hivyo usafirishaji wa vifaa kutoka
Njombe ulikuwa ni shida.
Aidha
aliisifu Halmashauri ya wilaya ya Ludewa kwa kutoa ushirikiano kwa
mashirika yasiyo ya kiserikali pale yanapopata miradi ya maendeleo
hivyo amezitaka halmashauri nyingine kuiga mfano huo katika
kuharakisha maendeleo kwa wananchi.
Mwisho.
No comments:
Post a Comment