WANANCHI CHUNYA WATAKA KITENGO CHA HUDUMA YA MACHO

 Na Ibrahim Yassin,Chunya

WANANCHI Wilayani chunya Mkoani Mbeya wameiomba serikali kuanzisha huduma ya macho na mionzi katika Hospitali ya wilaya ya chunya ili kupunguza gharama za kusafiri hadi hospitali ya Mkoa Mbeya.

Wakizungumza na waandishi wa habari Wilayani humo kwa nyakati tofauti wananchi hao wamesema kuwa hospitali ya Wilaya hiyo haina kitengo cha macho na mionzi hivyo kupelekea wananchi kusafiri umbali mrefu hadi kufikia hospitali ya mkoa au ya rufaa jijini mbeya.

Mkazi wa Kibaoni Obadia Mwaipopo alisema kuwa wananchi wengi wilayani humo wanakabiliwa na matatizo ya macho kutokana na matumizi  holela ya dawa za kuchenjulia dhahabu maarufu kama Mercury.

Mwaipopo alisema vijana kwa wazee wanamatatizo ya macho hasa wale ambao wanashinda kwenye machimbo ya dhahabu na hawana muda wa kuweza kuachia muda kwenda kucheki macho yao.

Aidha alisema kuwa iwapo serikali itaanzisha kitengo cha macho na mionzi katika hospitali hiyo kutahamasisha vijana na wazee kuweza kupima afya zao ikiwa ni pamoja na macho na magonjwa mengine.

Naye Mama mmoja ambaye hakutaka kutaja jina lake alisema kuwa akina mama na vijana wanama tataizo ya macho kutokana na kutumia muda mwingi kwenye kuchekecha mchanga wa dhahabu wenye vumbi kwenye makalasha.

Kwa upande wake Mganga Mkuu wa hospitali ya wilaya Wilson Sichalwe alikili kutokuwepo kwa kitengo cha macho na miyonzi katika hospitali hiyo na kusema kuwa ni jambo ambalo linapaswa kupiganiwa ili kuokoa masha ya wanachunya na wengine.

Sichalwe alisema kuwa kitengo hicho ni muhimu sana kwa wilaya hiyo kutokana na asilimia kubwa ya vijana na akina mama ni watu wanaoshinda kwenye machimbo.

Alisema kuwa wakazi wengi wilayani humo hawana muda kwena jijini mbeya kwa ajili ya kupima macho na huduma zingine ambazo hazipo katika hospitalini hapo kutokana na wengi kushinda kwenye makalasha ya dhahabu.

Ameongeza kuwa iwapo serikali itafanikisha kuwepo kwa wataalamu hao kutarahisisha wananchi kutoka kambi katoto na kwingineko kwenye umbali wa zaidi ya kilomita 200 kupata huduma ya macho.

Mwisho.