NJOWOKA NA WENZIE WAWASAIDIA WAAMUZI WILAYANI LUDEWA.

 Kushoto ni Katibu wa chama cha mpira wa miguu mkoa wa Njombe(NJOREFA)Bw.Steven Njowoka akimkabidhi vifaa vya waamuzi mkuu wa wilaya ya Ludewa Bw.Juma Madaha na aliyeshika mpira ni katibu wa chama cha mpira wa miguu wilaya ya Ludewa Bw.Mvanginyi.

Wakwanza kushoto ni katibu wa NJOREFA Bw.Njowoka,katikati ni Mkuu wa wilaya ya Ludewa Bw.Juma Madaha na mwenye kijani ni katibu wa LUDIFA Bw.Mvanginyi

 Katibu wa NJOREFA Bw.Njowoka akimkabidhi mkuuu wa wilaya ya Ludewa Bw.Juma Madaha sale za waamuzi

Mkuu wa wilaya ya Ludewa Bw.Juma Madaha akitoa hotuba baada ya kukabidhiwa vifaa vya waamuzi leo katika viwanja vya leaders Ludewa mjini

Katubu wa NJOREFA Bw.Njowoka akitoa maelezo kuhusiana na upatikanaji wa vifaa hivyo

 Wadau mbalimbali wa soka wakimsikiliza Bw.Njowoka katika hafla hiyo ya kukabidhi vifaa vya waamuzi

 Mkuu wa wilaya ya Ludewa Bw.Juma Madaha akimshukuru Bw.Njowoka kwa ufadhiri wa vifaa vya waamuzi wilaya ya Ludewa

Hivi ni baadhi ya vifaa vya waaamuzi alivyovitoa  Bw.Njowoka leo wilayani Ludewa

 Katibu wa chama cha mpira wa miguu wilaya ya Ludewa Bw.Mvanginyi akishukuru baada ya kupata vifaa hivyo

 Mmoja wa waamuzi wa mpambano wa leo kati ya timu ya kurugenzi Ludewa na National ya Lugarawa katika ligi daraja la pili ,timu zote zikiwa zinatoka ndani ya wilaya ya Ludewa

 Waamuzi kutoka njombe wakiwa na mwenyeji wao ambaye ni kiongozi wa timu ya Kurugenzi Ludewa Bw.Agrey Mwinuka na katibu wa NJOREFA Bw.Njowoka

Katibu wa NJOREFA Bw.Njowoka akitoa maelezo ya ufadhiri wake kutokana na upatikanaji wa vifaa hivyo ulivyofanyika

Chama cha mpira wa miguu Wilaya ya Ludewa(LUDIFA) kimepata ufadhiri wa vifaa vya Waamuzi kutoka kwa wadau wa soka kutokana na waamuzi wilayani humo kwa miaka mingi kutokuwa na vifaa zikiwemo sale za kuendeshea mashindano mbalimbali yanayoendelea.

Akikabidhi vifaa hivyo kwa Mkuu wa Wilaya ya Ludewa Katibu wa chama cha mpira wa miguu Mkoa wa Njombe(NJOREFA) Bw.Steven Njowoka alisema kuwa kutokana na muonekano wa soka katika wilaya ya Ludewa si Vema waamuzi wakaendesha mashindano bila vifaa vya kisasa.

Bw.Njowoka alisema yeye aliona umuhimu wa Waamuzi kuwa na vifaa vya kisasa katika kuliendeleza soka na kama mzawa wa wilaya ya Ludewa akaamua kukutana na wadau mbalimbali ili kuweza kuwasaidia waamuzi hao katika vifaa vya muhimu.

Alisema wafadhiri waliojitokeza kuwa saidia waamuzi hao ni Bw.Kasian Njowoka ambaye ni mmiliki wa chuo cha uwalimu Kibamba(Kibamba Teachers College)amesaidia sale pea nne,Filimbi,Kadi na pendera za waamuzi wasaidizi,mwingine ni Bw.Stanley Lugenge ambaye ni mwenyekiti wa chama cha mpira wa miguu Njombe katoa sale za waamuzi pea nne.

Bw.Njowoka alisema yeye aliamua kutoa msaada waNyavu za magoli na mpira mmoja vyote vikiwa na thamani ya shilingi laki mbili na nusu(250000)kwa chama cha mpira wa miguu wilaya ya Ludewa(LUDIFA) ili kuona mashindano ya ligi daraja la pili yanayoendelea mkoa wa Njombe yanaendeshwa ipasavyo.

“Nimeona umuhimu wa kuendeleza soka mkoa wa Njombe hususani wilaya ya Ludewa kutokana na muda mrefu waamuzi kutokuwa na vifaa hivyo mimi nikaamua kuwaona wadau wanaoweza kuniunga mkono kuwasaidia waamuzi hawa hivyo huu ni mwanzo tu tutaendelea kutoa vifaa vingine”,alisema Bw.Njowoka.

Awali waamuzi wa mpira wa miguu walikuwa wakivaa suti na mavazi mengine yasiyo ya kimishezo katika kuhakikisha soka wilayani Ludewa linaendelea hivyo kwa vifaa hivi wataweza kuchezesha kwa uhuru hasa pale inapobidi kukimbia na kutoa maamuzi ya haraka.

Bw.Njowoka alisema mmiliki wa chuo cha uwalimu Kibamba Bw.Kasian Njowoka aliahidi kuendelea kukisaidia chama cha mpira wa miguu wilaya ya Ludewa kutokana na chama hicho kutokuwa na vifaa vya michezo tangia kianzishwe.

Aidha Mkuu wa wilaya ya Ludewa Bw.Juma Solomon Madaha akikabidhiwa vifaa hivyo aliwapongeza wadau wa soka waliojitokeza kukisaidia chama cha mpira wa miguu wilaya ya Ludewa na kuwataka waendelee na moyo huo kwani michezo hujenga undugu.

Bw.Madaha alisema amefurahishwa na msaada huo kwani katika mashindano ya ligi daraja la pili yanayoendelea mkoa wa njombe yanayozishirikisha timu nne za wilaya wilaya ya Ludewa ni haibu kuona waamunzi wa wilaya hiyo wakichezesha mashindano hayo bila kuwa na sale maalumu.

Alisema ofisi yake itaongeza sale nyingine kwani hata walizoleta wafadhiri hao bado ni chache hiyo ni changamoto ya wilaya kuwa na sale zaidi kutokana na ugumu wa kazi ya uamuzi ambapo bila kuwa na vifaa vya kutosha ugumu wa kazi hiyo utazidi.

Bw.Madaha alisema yeye kama mdau wa soka yuko bega kwa began a chama cha mpira wa miguu wilaya ya Ludewa kwani anaandaa mkutano na wadau mbalimbali wakiwemo wawekezaji walioko katika wilaya hiyo ili kuona namna ya kuuwezesha mchezo huo kusonga mbele.

Nae katibu wa chama cha mpira wa miguu wilaya ya Ludewa (LUDIFA)Bw.Mvanginyi akishukuru baada ya kupata vifaa hivyo alisema chama chao kinakabiliwa na changamoto nyingi zikiwemo za ukosefu wa fedha za kujiendesha hivyo anawashukuru wafadhiri kwa kutoa msaada huo.

Bw.Mvanginyi alisema Mkuu wa wilaya ya Ludewa ni mdau mkubwa wa soka hivyo anaiomba serikali kupitia mkuu huyo kukamilisha haraka ujenzi wa uwanja unaoendelea ili chama hicho kiweze kujipatia mapato yatakayoweza kutatua mahitaji madogomadogo ya chama hicho.

MWISHO.