KUTEREKEZWA KWA KITENGO CHA ELIMU UKAGUZI NI MAAFA KATIKA ELIMU NCHINI

                

WANANCHI wa tarafa ya Mwambao wa ziwa Nyasa wilaya ya Ludewa katika Mkoa wa Njombe wameilalamikia idara ya elimu kwa kushindwa kusimamia  na kukagua majengo yanayoendele kujengwa chini ya kiwango na kuhatarisha usalama wa watotot wao imefahamika.

Wakizungumza na gazeti hili kwa nyakati tofauti wananchi hao walisema walimu wakuu na kamati za shule wamekuwa wakijenga madarasa na nyumba za walimu kwa ramani wanazozijua wao kwa sababu wamekuwa wakifanya kazi za ukarandarasi na uhasibu wenyewe. 

Hata hivyo kutelekezwa kwa kitengo cha ukaguzi wa elimu nchini ndiko kumepoteza matumaini ya ukuaji wa elimu  kutokana na kitengo hicho kutotazamwa kwa jicho la karibu ili kuinusuru elimu inayoporomoka kila kukicha.

Hali hiyo imesababisha kushuka kwa kiwango cha ufaulu katika shule za msingi na Sekondari nchini kukichangiwa na wizara ya Elimu kwa kiasi kikubwa kutokana na kutotenga bajeti sahihi ya ofisi za ukaguzi hali ambayo imesababisha walimu kutofanya kazi zao ipasavyo kutokana na kutokaguliwa.

Hayo yalisemwa jana na Kaimu afisa elimu ukaguzi wilaya ya Ludewa Bw.John Haule alipotemblewa na gazeti hili ofisini kwake kuwa elimu ya Tanzania inaelekea pahala pabaya kutokana na wakakuzi wa elimu kushindwa kufanya kazi yao kwa kukosa fedha.

Bw.Haule alisema katika wilaya ya Ludewa kuna maeneo ambayo ni zaidi ya miaka tisa sasa hayajakaguliwa mfano wa maeneo hayo ni kata za mwambao wa ziwa nyasa,kata ya Lugarawa na kata za milimani hali ambayo inazorotesha elimu nchini.

Alisema kitengo cha ukaguzi nchini kimetelekezwa kutokana na kupangiwa bajeti hafifu ambayo haiwezi kukidhi haja kwa wafanyakazi wa kitengo hicho kwani uendeshaji wa ofisi hizo umekuwa mgumu kutokana na kutokuwa na stationary.

Akiitaja bajeti ya mwaka jana alisema kwa mwaka wa fedha 2011 hadi 2012 jumla ya shilingi laki sita ofisi yake ilitengewa akiwa shilingi laki nne kwaajili ya matengenezo ya Gari na shilingi laki mbili ni kwaajili ya vifaa vya ofisi hali ambayo inasikitisha kwani hata tairi za gari kwa fedha hiyo haitoshi.

“Tunapangiwa bajeti bila ya kuangalia hali halisi ya mazingira tuayofanyia kazi,kwa upande wa mwambao wa ziwa nyasa safari moja ya ukaguzi inagharimu zaidi ya shilingi milioni moja kwa kua tunatumia usafiri wa boti ambao hutumia lita 200 za petrol lakini fedha tunayopata inakatisha tama”,alisema Bw.Haule.

Alisema walimu walio wengi katika maeneo yasiotembelewa na wakaguzi hawatimizi wajibu zao hali ambayo huwafanya wafanye shughuri zao binafsi na kuacha kuwafundisha wanafunzi kwa hali hii elimu nchini itazidi  kudidimia.

Kwa upande wa waratibu Elimu kata kufanya ukaguzi Bw.Haule alisema imekuwa ni vigumu kufanya ukaguzi kwani waratibu hawana bajeti kabisa na hutengemea fedha kutoka kwa walimu wakuu ambazo huwasaidia kununulia karatasi katika ofisi zao,hali ambayo huwashinda kuwakagua walimu wakuu.

Alisema kama waratibu elimu kata wangekuwa na bajeti yao ingelikuwa ni rahisi kufanya kazi za ukaguzi na kuandika ripoti inayoonesha mapungufu ya shule furani lakini hwawezi kumkagua mtu anaye wasaidia na kumuandikia ripoti chafu.

Aidha aliitaja bajeti waliyotengewa idara ya ukaguzi wilaya ya Ludewa kwa mwaka wa fedha 2012-2013 ni shilingi milioni moja fedha ambayo bado wanaifuatilia hazina lakini haitoshi kwa lolote kwani maeneo ya mbali haitakidhi pia gari ya ukaguzi haitaweza fanya safari kutokana na uchakavu wa tairi zote.

Bw.Haule alitoa wito kwa Serikali kukihamisha kitengo hicho kwenda TAMISEMI hali ambayo ingeweza kuboresha elimu nchini kutokana n kufanya ukaguzi wa mara kwa mara ili kuweza kuwahimiza walimu kufanya kazi inayotakiwa na wizara ya Elimu.

Mwisho