RC NJOMBE AZINDUA MPANGO WA UTHAMINISHAJI NA ULIPWAJI FIDIA KWA WANANCHI KATIKA MIRADI YA CHUMA NA MAKAA YA MAWE LUDEWA.

Mkuu wa mkoa wa Njombe kulia Dkt.Rehema Chimbi anayefuata ni mkuu wa wilaya ya Ludewa Bw.Anatory Choya na mbunge wa jimbo la Ludewa mwenye miwani Mh.Deo Filikunjombe wakipata dua kabla ya kuanza mkutano.

Dkt.Nchimbi akizindua uthaminishaji na ulipwaji fidia

Mkuu wa mkoa wa Njombe Dkt.Nchimbi akicheza ngoma na wananchi wa Kijiji cha Mundindi

Filikunjombe akiongea na wananchi

wananchi wakifuatilia mkutano

hiki ndicho chuma cha linganga

Kamati ya ulinzi na usalama wilaya ya Ludewa ikimsikiliza mkuu wa mkoa wa Njombe

Mkuu wa mkoa wa Njombe Dkt Nchimbi,Mh.Filikunjombe,mkuu wa wilaya ya Ludewa Bw.Choya,mkuu wa wilaya ya Wanging'ombe Bw.Fredrick Mwakalebela pamoja na mkuu wa wilaya ya Njombe Sarah Dumba akiangalia makaa ya mawe Nchuchuma

 viongozi mbalimbali wakiangalia makaa ya mawe

haya ndio makaa ya mawe Nchuchuma

kikundi cha ngoma ya mganda kikisubiri kutumbuiza

mkuu wa wilaya ya Ludewa Anatory Choya akiangalia mkaa wa mawe

Mkuu wa mkoa wa Njombe Dkt.Rehema Nchimbi amezindua rasmi zoezi la uthaminishaji na ulipwaji wa fidia kwa wananchi wanaotakiwa kuhama ili kupisha ujenzi wa miradi mikubwa ya machimbo ya chuma cha pua Liganga na makaa ya mawe Nkomang’ombe iliyoko wilayani Ludewa  zoezi ambalo litafanyika haraka kutokana na wawekezaji wa miradi hiyo kuwa tayari kwa kazi.

Akifanya zoezi hilo la uzinduzi jana na leo katika maeneo ya Liganga na Nchuchuma Dkt Nchimbi aliwataka wathaminishaji kutenda haki kwani wananchi wa maeneo hayo wamefanya uungwana wa kuyatunza madini hayo kwa miaka mingi bila malipo yoyote kutokana na shirika la maendeleo la taifa kuwazuia kufanya uendelezaji wa maeneo yao tokea mwaka 1982.

Dkt.Nchimbi alisema Serikali imezamilia kuanzisha miradi hiyo haraka baada ya kufanya utafiti kwa muda mrefu na kujiridhisha katika utafiti huo hivyo tayari fedha za kuwalipa fidia wananchi wenye mashamba na miti na baadhi yao wenye nyumba watahamishwa kwa kulipwa fidia za mashamba na kujengewa nyumba za kisasa.

Alisema katika jambo hili la ulipwaji fidia hakuna siasa kwani wananchi wamechoshwa na ahadi hivyo amewaonya wanasiasa kukaa mbali na jambo hilo kwani yeyote atakaye leta siasa katika jambo zito kama hilo sheria itachukua mkondo wake haraka iwezekanavyo.

“wananchi wa maeneo ya migodi hii mnakila sababu ya kupewa sifa na Mwenyezi Mungu awabariki kwa kutunza raslimali hii kubwa ya Taifa letu kwani miradi hii itawanufaisha watanzania wote ila nawaomba wanasiasa kutoingilia jambo hili waacheni wathaminishaji wafanye kazi yao kwa uaminifu mkubwa na hatimaye wananchi hawa walipwe fidia zao”,alisema Dkt.Nchimbi. 

Akisoma lisala ya wananchi wa kijiji cha Nkomang’ombe katika uzinduzi wa uthaminishaji na ulipwaji fidia kwa wananchi Bw.Yusuf Mwazayo alisema kuwa wananchi wanafuraha kubwa kusikia ujenzi wa miradi hiyo ambayo imekuwa ikitajwa kwa miaka mingi bila mafanikio inaanza kwani ni fulsa pekee kwa wanaludewa kujitoa katika wimbi la umaskini.

Bw.Mwazayo alisema kuwa richa ya kuwa mananchi wamejawa na furaha ya uanzishwaji wa miradi hiyo lakini shirika la maendeleo la Taifa (NDC)linapaswa kutafakari upwa kwani kwa miaka mingi wananchi wamekuwa wakizuiwa kuendeleza maeneo yao kutokana na maeneo hayo kuwekwa alama ili kulipa fidia baadaye lakini imekuwa ndivyo sivyo kutokana na NDC kuchukua maeneo machache tu.

Alisema kinachotakiwa ni kuvilipa vijiji fidia ili wananchi ambao hawatakuwa katika eneo la mradi waweze kunufaika na malipo hayo kwani ni muda mrefu wameshindwa kufanya maendeleo yao binafsi.

Aidha Mbunge wa jimbo la Ludewa Mh.Deo Filikunjombe amewataka wathaminishaji wa maeneo hayo kufanya kazi kwa uaminifu mkubwa kutokana na maeneo mengi wananchi kuilamu Serikali kwa kuandamana kudai haki zao ambazo hundurumika na baadhi ya wathaminishaji wasio waaminifu.

Mh.Filikunjombe alisema kuwa Serikali ya Jamuhuri ya Muungano wa Tanzania inayoongozwa na Rais Jakaya Mrisho Kikwete ni Serikali makni nayowajali wananchi wake hivyo imewaamini wataalamu watakaofanya kazi ya uthaminishaji hivyo wataalamu hawapaswi kuingiza maslahi yao na kuichafua Serikali iliyowaamini.

Aliwataka NDC kuwakabidhi wananchi maeneo yao kupitia Serikali za vijiji kwani kwa muda mrefu maeneo hayo yamekuwa yakimilikiwa na NDC na kuahidi watawalipa wananchi fidia lakini imeonekana hayana kazi tena hivyo wananchi wanayahitaji maeneo yao ili wapate kuyaendeleza katika shughuri za kimaendeleo

Mwisho.