MTOTO WA DARASA LA TATU ALIWA NA MBWA WILAYANI LUDEWA.

Huyu ndiye mbwa aliyemtafuna mtoto hadi kufa baada ya kuuawa na maafisa mifugo,walikuwa wawili mwenzie kakimbia na bado anatafutwa

mbwa aliyesababisha mauti ya marehemu Ibrahimu Faraja Chipungahelo

Mtoto mmoja alifahamika kwa jina la Ibrahim Faraja Chipungahelo(9) aliyeishi mtaa wa ibani wilayani Ludewa katika mkoa wa Njombe wmwanafunzi wa shule msingi Kimbila darasa la tatu amevamiwa na Mbwa wakali ambao walimwangusha chini na kuanza kumtafuna hadi kufa papo hapo wakati akijitahidi kuwaokoa watoto wenzake ambao walizongwa na mbwa hao wawili.

Shuhuda aliyekuwa katika tukio hilo ambaye anafahamika kama Mama haule akisimulia mkasa huo uliotokea jana maeneo ya Ikulu alisema watoto hao walikuwa atano ambapo marehemu na wenzake walikua wakienda nyumbani kwa babu yao kuchuma matunda aina ya mapera alipokutwa na mkasa huo.

Mama Haule alisema Marehemu Ibrahimu na watoto wenzie ilikuwa ni kawaida yao kupita katika maeneo ya Ikulu ya wilaya ya Ludewa wakielekea kwa babu yao lakini eneo hilo la Ikulu limekuwa hatari kutokana na mwananchi mmoja ambaye ni Bosco Lingalangala kununua nyumba moja ambayo amefuga mbwa wawili wakali wasio kuwa na uangalizi wakutosha.

Alisema marehemu akiwa anapita ghafra walianza kuwavamia ndipo alipo jitahidi kuwaokoa wenzie wadogo zaidi na mbwa hao kumkamata na kuanza kumlalua maeneo mbalimbali ya mwili wake ambapo wenzie walitimua mbio na kumuacha akitafunwa na mbwa hao wakali.

“Nilisikia mtoto akilia nilipofuatili kwakua naishi jirani na nyumba ya Bw.Lingalanga nikaona watoto wadogo wanakimbia nikawauliza kulikoni wakanijibu wenzetu kakamatwa na mbwa nilipofika eneo la tukio niliwakuta Mbwa wawili wakiwa wamemlaza chini mtoto  wakimtafuna nilipojaribu kusogea karibu mbwa hao walikuwa wakali sana ndipo kakimbia kuomba msaada kwa askari polisi akaja na silaha alipo jaribu kuwalenga wakakimbia lakini walishakuwa wamemuua na wanamla”,alisema mama Haule.

Mama Haule alisema alivyojaribu kumuinua marehemu alikuta ameharibiwa vibaya sehemu za siri na kuliwa misuri yote ya mapaja na tayari alikwisha poteza uhai hivyo kwa kusaidiana na wasamalia wema waliuchukua mwili wake na kuupeleka hospitari ili uhifadhiwe.

Aidha Kamanda wa Jeshi la Polisi mkoa wa  Njombe ASP Furgency Ngonyani amethibitisha kutokea kwa tukio hilo ambapo alisema tayari hatua za kisheria zimeanza kuchukuliwa dhizi mmiliki wa mbwa huyo kwani tayari kijana wa mmiliki ambaye alikabidhiwa kuwahudumia mbwa hao yuko chini ya ulinzi huku taratibu nyingine zikiendelea.

Kamanda Ngonyani alisema wakati taratibu za jeshi hilo zikiendelea amewataka wananchi wa mkoa wa Njombe kuwa waangalifu hasa wanaofuga mbwa wawe na tabia ya kuwafunga nyakati za mchana ili kuepusha ajali zisizo za lazima kama tukio hili.

Naye ofisa mifugo msaidizi Bw.Simon Haule alisema tayari mbwa mmoja ameshauawa kwa kupigwa risasi baada ya tukio hilo lakini mwingine amekimbia hajulikani aliko hivyo juhudi za kumsaka ili naye auawe zinaendelea.

Bw.Haule alisema mmiliki wa mbwa hao amekuwa ni mzembe kwani hajawatibu kwa muda wa miaka miwili mpaka sasa hivyi kuna uwezekano mkuwa kuwa walikuwa wanamagonjwa ndicho chanzo cha kufanya tukio hatari kama hilo ambalo limesababisha kukatisha uhai wa mtoto.

Bw.Haule amewataka wananchi wilayani hapa kuacha tabia ya kutembea usiku kwa mbwa mmoja bado haja uawa na hajulikani aliko licha yakuwa juhudi za kumtafua zinaendelea kwa anaweza kusababisha madhara mengine wakati wowote kama akikutana na binadamu kutokana na kuwa ameshaonja damu ya mtu.

Mwisho.