VIJANA WILAYANI LUDEWA WAPANIA KUKIBADIRISHA CHAMA CHA MAPINDUZI KWA KUSHIKA NYADHIFA MBALIMBALI NDANI YA CHAMA.

       Mwenyekiti mpya wa CCM kata ya Milo Bw.Joel Mhagama.

Vijana wilayani Ludewa katika mkoa wa Njombe wamepania kukibadirisha chama cha mapinduzi kwa kuchukua uongozi katika nafasi mbalimbali ndani ya kata na vijiji ili kuendana na kasi ya Rais wa Jamuhuri ya Muungano wa Tanzania na mwenyekiti wa CCM Taifa Dkt.John Pombe Magufuli.

Hayo yamedhihirika leo baada ya mmoja wa vijana hao Bw.Joel Mhagama ambaye ameibuka kidedea katika uchaguzi wa nafasi ya Mwenyekiti wa ccm kata ya Milo wilayani hapa kwa kuwabwaga washindani wake katika nafasi hiyo ambapo washindani hao walionekana kuwa na umri mkubwa tofauti na kijana huyo.

Akiongea na mwandishi wa mtandao huu mara baada ya kuibuka mshindi Bw.Joel Mhagama alisema kuwa ni mkakati ambao vijana waliuandaa ili kuchukua nafasi mbalimbali za kata na vijiji ndani ya chama ili kuendana na kasi ya kimaendeleo ya mwenyekiti wa chama wa Taifa.

Bw.Mhagama alisema kuwa wilaya ya Ludewa imekuwa na viongozi wazuri wa chama kwa muda mrefu lakini wengi wao walikuwa ni wazee kutokana na ukweli kwamba vijana wamekuwa wakiogopa kugombea nafasi hizo na kuwaacha wazee wakizikalia kwa mika yote lakini kutokana na hali halisi ya kasi ya kiutendaji ya sasa nafasi hizo zinapaswa zishikwe na wanaoweza kuendana na kazi ya Mwenyekiti wa Chama wa Taifa.

Alisema kuwa ameibuka mshindi kwa kupata kura 44 wakati aliyemfuata amepata kura 22 na wa mwisho alipata kura 3,kwa ushindi huo umempatia ujasiri wa kuona kumbe wajumbe wamemuamini kuwa anaweza hivyo kazi aliyonayo ni kuwarudisha vijana ambao walikwenda vyama vya upinzani ili waweze kuijenga kata ya milo kwa kauli moja.

“nimewasinda wenzangu kwa kura nyingi niwaombe washindani wangu ushirikiano mkubwa kutoka kwao ili kata yetu ya Milo isonge mbele kimaendeleo awali niliogopa sana kugombea nafasi hii lakini nikajipatia ujasiri ambao umenifikisha hapa,nawaomba vijana wenzangu walishinda chaguzi za vijiji na kata kuwatumikia wananchi bila ya kujali itikadi za vyama vya siasa”,alisema Bw.Mhagama.

Aidha Bw.Mhagama ambaye ndiye mwenyekiti mpya wa ccm kata ya Milo aliwashukuru wajumbe aliomchagua na ameupongeza mfumo unaotumika ndani ya chama kwa sasa wa kukomesha Rushwa na viashiria vyake ili kuwapata viongozi kwa haki.

mwisho