AOMBA MSAADA BAADA YA KUKATIKA MIGUU KWA IMANI ZA KISHIRIKINA

 Haya ndio Makazi ya Bw.Yohana Nkwera na Dada yake

 Bw.Yohana Nkwera akionesha miguu yake iliyo hivi sasa

  Haya ndio Makazi ya Bw.Yohana Nkwera na Dada yake

Hii ndiyo baiskeri yake anayoitumia hivi sasa

 Bw.Yohana Nkwera akiwa na miguu yake ya bandia pembeni

Bw.Yohana jinsi anavyoweza kuitumia miguu yake ya bandia

 Mwandishi wa habari wa kituo cha radio cha Best fm Ludewa Bw.Albentino Kayombo pamoja na Bw.Crement Lugongo ambaye ni jirani wa Yohana wakimsaitia kuiweka vizuri miguu hiyo ya bandia ambayo tayari imechakaa

Bw.Crement Lugongo(Msela) jirani wa Yohana Nkwera.

Mkazi mmoja wilayani Ludewa katika kijiji cha Ludewa k mkoani Njombe Bw.Yohana Nkwera(54)anaomba msaada kwa wadau mbalimbali wanaoweza kumsaidia kujengewa Nyumba ya Kuishi na Baiskeli ya walemavu wa miguu kutokana na maswahibu yaliyomkuta anayoyataja ni mambo ya kishirikina baada ya kukatika miguu yake miwili akiwa usingizini na kutotoka damu.

Akiongea na mwandishi wa habari hii Bw.Yohana alisema kuwa ni miaka zaidi ya ishirini sasa amekuwa akipata mateso makali baada ya miguu yake kukatika bila ya kutokwa na damu kwani chanzo cha kukatika miguu hiyo ni mgogoro baina yake na mzee mmoja ambaye jina lake limehifadhiwa ambapo mgogolo huo ulipelekea mzee huyo kutoa maneno mazito ya kumtoa viungo vya mwili.

Alisema kuwa siku moja akiwa amelala alihisi maumivu makali ya miguu lakini alipoamka asubuhi aliona iko kawaida lakini inauvimbe mdogo tu,alikwenda Hospitari ya wilaya ya Ludewa na kuonana na madaktari na baada ya kupimwa walimueleza kuwa hakuwa na tatizo,lakini usiku wakuamkia siku pili alisikia maumivu tena ndipo ilipofika asubuhi nyingine aliikuta miguu yake ikiwa imekatika maeneo ya magotini na ikiwa pembeni.

Aliongeza kuwa hali hiyo iliishangaza jamii ya Ludewa kijijini lakini ndugu na jamaa walichangishana fedha na kumsafirisha kwenda hospitari ya Ikonda iliyoko wilaya ya Makete lakini mambo bado yalikuwa magumu ikalazimika apewe Baiskeli ya walemavu wa miguu na kurudi kuanza maisha mapya ya kutofanyakazi na kubaki nyumbani huku akisaidiwa na dada yake ambaye mpaka sasa ndiye anayemsaidia richa ya kuwa dada yake huyo ni mzee sana.

“Naomba msaada kwa watu wenye mapenzi mema kwani nilipewa miguu ya bandia nayo tayari imechakaa,nyumba ninayoishi msimu wa mvua inavuja sana pia baiskeri yakutembelea tairi wajanja wameniibia na kutoa vifaa vingine hata kula kwangu ni shida hivyo naombeni msaada wenu kwani hali yangu ni mbaya mno”,alisema Bw.Yohana.

Aidha Jirani yange Bw.Crement Lugongo(Msela) alisema kuwa bw.Yohana walisoma wote akiwa na afya Njema na hakuwa na ulemavu wowote kwani walianza darasa la kwanza mwaka 1971  na alikuwa mchezaji mzuri wa mpira wa miguu na mpigaji wa ngoma ya bendi lakini ilishangaza sana baada ya miaka kadhaa kukatika miguu bila hata ya kuugua na haikutoka damu.

Bw.Lugongo alikiri kuwepo kwa imani za kishirikina kwani ni ni jambo la ajabu lililomkuta bw.Yohana hivyo amekuwa akiishi maisha magumu kwani hata godoro la kulalia ni tatizo hivyo majirani humsaidia chakula na luezeka nyumba yake kwa nyasi pale nyasi zinapochakaa na kuhitaji kubadirishwa.

Alisema kuwa msaada mkubwa ulenge katika ujenzi wa nyumba yakuishi kwani hata Dada yake umri umemtupa mkono hivyo kama wadau watajitokeza kumsaidia hata kumjengea kibanda kidogo ambacho kitaezekwa bati basi anaweza kuwa na maisha mazuri kwani hajawahi kuoa mpaka sasa katika maisha yake.

Namba ya kumchangia ni 0752206242 Nickson Mahundi na 0659615635 Albentino Kayombo.

Mwisho.