WAKULIMA WILAYANI LUDEWA KATIKA MKOA WA NJOMBE WASHAURIWA KUNUNUA PEMBEJEO BADALA YA KUSUBIRI RUZUKU

WAKULIMA na wananchi wilayani Ludewa katika mkoa mpya wa Njombe wametakiwa kujiandaa kwa kujinunulia mbegu, mbolea ya kupandia na kukuzia badala ya kutegemea ruzuku na pembejeo kutoka serikalini kwa haiwasaidii chochote.

Akizungumza katika baraza kuu la madiwani lililofanyika hivi karibuni katika ukumbi wa halmashauri ya wilaya hiyo, mwenyekiti wa halmashauri ya wilaya ya Ludewa Matei Kongo aliwataka wakulima kuondoa mawazo ya kutegemea mbolea ya ruzuku kwani serikali imezidisha mizengwe badala ya uwajibikaji.

MATEI KONGO, mbegu, mbolea ya kupandia na kukuzia imekuwa ikiwafikia wakulima mwezi machi wakati mvua zinamalizika, badala ya kuwafiki oktoba mvua zinapoanza kunyesha. hii haina tija kwa mkulima na hakuna sababu ya kuendelea kuimba wimbo wa kilimo kwanza kwani ni udanganyifu mkubwa.

Kongo akaongeza kuwa pamoja na ruzuku ya pembejeo kutomfikia mkulima kwa wakati, wananchi wamekuwa wakikumbana na udanganyifu ikiwemo uchakachuaji na wizi vitu ambavyo vinaendelea kuididimiza mkulima na kuwanufaisha watu wachache wakiwemo mawakala na maafisa watendaji wa vijiji na kata.

Akitoa ufafanuzi kuhusu pembejeo kwa msimu huu mkuu wa wilaya ya Ludewa Juma Madaha akawaambia madiwani hao kuwa utaratibu wa utoaji pembejeo kwa msimu huu umebailika ambapo mawakala hawatatumika tena badala yake makampuni makubwa ndiyo yatakayo husika kusambaza pembejeo.

Aurelian Mhagama ni mkulima wilayani Ludewa, kwa upande akaitaka serikali kupata mawazo ya wananchi ambao ndiyo wahitaji wa pembejeo badala ya kuwapangia wakulima wakiwa maofisini jambo linaloleta mkanganyiko mkubwa kwa sababu wakulima wanatekeleza mipango ambayo wao hawakushiriki kuibua na kuipanga.

Hadi sasa mvua zimeshaanza kunyesha lakini hakuna dalili yoyote ya ruzuku ya pembejeo toka serikalini, hakuna sababu ya kuendelea kusubiri huruma ya serikali kwa sababu hali inaonesha kuwa ruzuku siyo haki ya wakulima.

Nao madiwani wakapaza sauti na kuilalamikia serikali kuwa hakuna sababu ya kuendelea kuwadanganya wakulima wakati hawaoni faida ya ruzuku badala yake wanashuhudia watu wachache wakinufaika na wanapopelekwa mahakamani hushinda kesi na kuendelea na wizi huo.

Wilaya ya Ludewa imegawanyika katika tarafa tano na kata ishirini na tano ambapo inategemea sana mazao  ya chakula huku zao kuu likiwa mahindi.

            mwisho