MRADI WA PACA KUPITIA SHIRIKA LA MAENDELEO LA TAIFA(NDC) WASONGA MBELE

Ikiwa ni siku kadhaa zimepita tokea uanzishwe mradi wa PACA inaotekelezwa na shirika la maendeleo la Taifa (NDC)tathmini ya mradi huo wa ushirikishwaji wa wananchi katika maendeleo ya wilaya yao imeonyesha kufanya vizuri tofauti na hapo awali.

Akizungumza katika kikao cha tathmini hiyo mwezeshaji wa kitaifa wa maradi huo Bw.Deosdedis Mtambalike alisema kama kila mwanaludewa  atajitambua kuwa anapaswa kuhusika katika ujenzi wa uchumi wa wilaya yake basi mradi huo utakuwa mkombozi wa mwananchi wa hali ya chini.

Bw.Mtambalike alisema kuwa maradi huo ni wakwanza kutekelezwa katika Afrika mashariki ukiwa na lengo la kuwashirikisha wananchi katika ukuaji  wa uchumi ndani ya maeneo yao ili kuondoa migogoro kati ya wawekezaji na wananchi walioko katika maeneo ya migodi.

Alisema kumekuwa na mogogoro mingi katika migodi hapa nchini na Afrika kwa ujumla kutokana na kutowafanyia maandalizi yakutosha wananchi kujiona wao ni sehemu ya migodi hiyo kutokana na hilo Tanzania ameamua kuandaa wananchi wake katika kukabiliana na hilo.

“mpango huu wa Serikali kama utafanyiwa kazi kama ilivyokusudiwa basi wananchi wa wilaya ya Ludewa watakuwa mfano kwa wilaya nyingine zenye migodi ya madini kwani wilaya hii ina fulsa nyingi ambazo zikifanyiwa kazi wananchi wake watajitoa katika umaskini haraka”,alisema Bw.Mtambalike.

Mradi huo unalengo la kuwahusisha wananchi katika uzalishaji wa mahitaji mbalimbali yanayohitajika kwa wafanyakazi wa migodini ikiwemo ufugaji,kilimo na usindikaji ambapo wananchi wataweza kijipatia fedha kupitia uuzaji wa bidhaa migodini.

Aidha Mkuu wa wilaya ya Ludewa Bw.Juma Madaha alisema hatma ya uchumi wa wilaya ya Ludewa uko mikononi mwa wananchi wa wilaya ya ludewa kwa kuzingatia ushauri unaotolewa na wataalamu wa mradi huo kupitia shirika la NDC.

Bw.Madaha alisema yeyote aliyepata mafunzo ya mradi wa PACA naye ataitwa PACA kwa kuisambaza elimu hiyo kwa wananchi wengine alioko vijijini ili kila mmoja aweze kujihusisha kwa namna moja au nyingine katika uzalishaji ndani ya wilaya yake.

Hata hivyo kampuni ya Wachina inayojihisisha na uchimbaji wa migodi ya makaa ya makaa yam awe yaliyoko mchuchuma na chuma cha liganga ilitoa mahitaji ya wafanyakazi wake ikiwa ni unga,nyama,matunda,mboga za majani ,samaki na nyama.

Mahitaji hayo yamekuwa ni adimu kuwafanya wafanyakazi hao kuagiza mbali na wilaya ya Ludewa ili kufanikisha kuwa na chakula cha kutosha kwa wafanyakazi wa migodi hiyo hali ndio inayochochea wananchi kupewa elimu ya ujasiliamali na uzalishaji kupitia mradi wa PACA ili waweze kunufaika na miradi hiyo.

Bw.Mtambalike aliwataka wafanya biashara kujenga hotel za kisasa na kujenga viwanda vya usindikaji wa vyakula kwani bila kufanya hivyo watabaki kuwa watazamaji katika migodi hiyo amabyo ni mikubwa na itakayofanya kazi hizo kwa miaka mingi.

mwisho