WACHIMBA MADINI LUDEWA NI KERO KWA WANANCHI

  

WANANCHI katika vijiji vya Kiyogo kata ya masasi, Ngingama kata ya Lutuhi, Kipingu na Ngerenge katika kata ya Manda tarafa ya masasi wilayani Ludewa Mkoa wa Njombe wako hatarini kupoteza maisha kwa kukumbwa na magojwa ya milipuko kutokana na kutumia maji yanayochafuliwa na wachimbaji madini.

Wakizungumza na mtandao huu jana wananchi hao waliilalamikia serikali pamoja na wawekezaji kwa kushindwa kutafuta njia mbadala inayoweza kulinda afya zao kutokana na uchimbaji huo.

Mwenyekiti wa kijiji cha Kiyogo mzee Ignas Mahundi akaitaka serikali kutoa elimu kwa wananchi kwanza kuhusu ujio wa wawekezaji katika migodi lakini pia kuweka mikutano kati ya wananchi na wachimbaji hao ili kuweza kujadili kwa pamoja namna na jinsi ya kuhifadhi mazingira wakati shughuli za uchimbaji zikiendelea.

“” hatuna maji safi na salama zaidi ya miaka miwili sasa tunakunywa na kuoga maji machafu yanayotumika kusafishia madini katika vyanzo mbalimbali vya mto Luhuhu ambao wananchi wa tarafa ya masasi wanautegemea kwa matumizi ya kila siku. “” alilalamika mzee

LAURANCE MAHUNDI diwani wa kata ya masasi kwa upande wake akampongeza mwandishi wa gazeti hili kwa kufanya ziara vijijini kwani ndani ya miaka hamsini ya uhuru wa Tanzania haijawahi kutokea mwandishi wa habari kukutana na wananchi na kuwauliza changamoto na matatizo yanayowakabili.

Hata hivyo diwani huyo akakiri kuwa wananchi wake wanakunywa na kutumia maji yasiyosafi wala salama yenye tope zinazotokana na shughuli za uchimbaji madini zinazoendelea katika maeneo ya muhumbi na amani chimbo ambako ndiko kuna vyanzo vya maji.

“” kuanzia sasa mimi nitahakikisha naishauri halmashauri na serikali kuu kutafuta njia mbadala ya kuwapatia wananchi maji safi na salama ikiwa ni pamoja na kuchimba visima virefu au kuwatafutia wachimbaji madini njia nyingine ya kusafisha madini yao na kuacha kutumia vyanzo vya mto Luhuhu na kama haiwezekani basi wachimbaji hao waache kuchimba eneo hilo ili kulinda mazingira na afya za wananchi.”” Akashauri Mahundi. 

Mzee Mahundi alisema kuwa miundombinu ya maji safi imefika mpaka kijiji cha Liahagule kilichoko umbali wa kilomita saba hivyo ni rahisi kuandaa mpango wa kuyafikisha maji hayo katika vijiji vingine.

Alisema maji yamto Ruhuhu awali yalikuwa masafi lakini baada ya kuingia wachimbaji wadogo katika vijiji ambavyo viko katika chanzo cha mto huo imekuwa ni tatizo hata samaki wameadimika.

Aidha wananchi hao wameilalamikia Serikali kwa kuwasahau kwa muda mrefu katika huduma ya maji safi kwani katika kampeni za chaguzi mbalimbali viongozi huahidi bila utekelezaji.

Vijiji hivyo ambavyo manzari yake yanafaa kwa kilimo cha umwagiliaji vimekuwa ndicho chanzo cha chakula katika vijiji jirani kutokana na mto huo kuwasaidia katika kilimo kwa msimu wote katika mwaka.

Aidha Mzee.Mahundi akaitaka Serikali ya Jamuhuri ya Muungano wa Tanzania kuwatendea haki wananchi wa vijiji hivyo kwa kuwapatia maji safi na salama kama maeneo mengine kwa ndiko wapiga kura wanakotoka.

CHRISTOPHER NYANDIGA ni mhandisi wa maji wilaya ya Ludewa kwa upande wake alisema ofisi yake haikuwa na taarifa kuhusu kuchafuka kwa maji katika mto Luhuhu lakini akaahidi kufuatilia taarifa hizo na kuchukua maji hayo kuyapeleka kwa mkemia mkuu wa serikali ili kujua kama yana madhara kwa binadamu na wanyama.

Mwisho.