SHIRIKA LA AFYA DUNIANI LAZINDUA CHANJO YA KIFUA KIKUU NA NIMONIA KWA WATOTO

.

Shirika la afya dunian (WHO) kupitia wizara ya afya na ustawi wa jamii imeanzisha  chanjo mpya kwa watoto wenye umri chini ya mwaka  mmoja itakayoanza January 2013 kutokana na kuona vifo vya watoto wadogo vinazidi kuongezeka .

Hayo yalisemwa jana na mratibu wa afya mkoa wa Iringa Bi.Mariam Mohamed  katika semina ya uchanjaji chanjo kwa watoto wadogo wilayani Ludewa katika mkoa wa Njombe ili kunusuru maisha ya watoto wadogo ambao kinga yao mwilini haiwezi kukabiliana na magonjwa mbalimbali. 

Bi.Mariam aliitaja chanjo hiyo ni ya kifua kikuu na kuhara kwani ni magonja yaliyofanyiwa utafiti na kupatiwa ufumbuzi kwa kupitia chanjo kwa watotot wenye umri chini ya mwaka mmoja.

Alisema shirika la afya duniani linataka kuhakikisha kuwa kufikia mwaka 2014 chanjo za Maralia na virus vya Ukimwi ziwe zimepatika na kutokana na magonjwa hayo kuwa tishio Duniani kwa lika zote.

 Bi.Mariam aliwataka wananchi kutambua chanjo hiyo haitawahusu watoto wenye umri zaid ya mwaka mmoja kwani kinga ya mototo mchanga ni ndogo ndomana inabidi watoto hao waanze kupatiwa chanjo wakiwa na wiki sita 6  na akifikia umri wa miezi 9 atapewa chanjo ya kuzuia ugonjwa wa surua.

Akifungua semina hiyo mganga mkuu wa wilaya Dr.Happines Ndossi aliyataja baadhi ya  magonjwa yatakayotolewa chanjo  kuanzia January 2013 kwa watoto hao ni pamoja na kifua kikuu, surua, kupooza, pepopunda, dondakoo, kuhara na nimonia.

 Dr. Ndossi aliwataka wazazi wenye watoto wadogo kuhamasika kutokana na chanjo hiyo hasa kwa wale wanaotokea mbali na vituo vya afya kwa lengo la kuboresha afya ya mtoto pasipo kutupilia mbali suala la usafi wa mazingira, kuwepo kwa vyoo bora na chakula safi.

Kwaupande wake mganga mkuu wa wilaya Dr. Ndoss alizitaja changamoto zitakazowakumba kutokana na chanjo itakayoanza January 2013 ni pamoja na  baadhi ya wananchi na viongozi wa dini kutokuwa na uelewa juu ya chanjo hiyo pamoja na kukosa wasaidiz ambalo tatizo hilo lipo juu ya uwezo wao vituo vya afya wilayani humo kuwa vingi.

“wasaidizi wanahitajika 30 lakini waliopo hadi sasa hawazidi 8 na maafisa wakuu wapo 4 ni zoezi ambalo ni changamoto kubwa kwa idara ya afya kuweza kuweza kufanikisha zoezi zima la uchanjaji chanjo kwa watoto wadogo”alisema Dr. Ndossi.

Dr. Ndoss alionyesha mfano wa vichupa vya dawa ambavyo vinatumika kuhifadhia dawa ya chanjo ya kuhara ambayo inagharimu dola 35 yenye thamani y ash. 5600 kwa kila kityubu na wizara ya afya na ustawi wa jamii inahusika kupanga bajeti ya chanjo hiyo.

Naye mh. Diwani wa kata ya Ludewa bi. Monika Mchilo akizungumza katika semina alitilia mkazo zoezi la usafi kwa kuwataka viongozi wa afya wa wilaya ya ludewa kusimamia ipasavyo kabla zoezi la chanjo kwa watoto hao halijaanza kwani itasababisha magonjwa mengi ikiwemo kipindupindu.

Zoezi hili la chanjo kwa watoto wadogo ni zoezi la kitaifa na kila mwananchi anahitajika kuwajibika kwani semina hii imefanyika katika ngazi mbalimbali kuanzia ngazi ya kata mkoa hadi kata.

MWISHO