IJUE SHULE YA MSINGI NA AWALI YA MORNING STAR ILIYOKO WILAYANI LUDEWA.

Baadhi ya majengo ya shule ya msingi na awali  Morning Star Ludewa

 Baadhi ya majengo ya shule ya Morning Star Ludewa

Uongozi wa shule ya Morning star ukiwa katika kikao pamoja na wazazi wa wanafunzi wanaosoma shule hiyo.

 Baadhi ya majengo ya shule ya Morning Star Ludewa

Wazazi wakiwa katika kikao shuleni Morning Star wakijadili namna elimu gani ya uboreshwaji wa elimu katika shule hiyo.

Wazazi wakiwa katika kikao shuleni Morning Star wakijadili namna elimu gani ya uboreshwaji wa elimu katika shule hiyo.

Shule ya msingi ya Morning  star iliyosajiliwa kwa namba  IR.05/3/002 ndani ya shule hiyo kuna shule ya awali ilyosajiliwa kwa namba IR.05/3/EA.002 inayopatikana wilayani Ludewa katika mkoa wa Njombe ilianza  mwaka 2014 ikiwa na wanafunzi wachache mwanzilishi na mmiliki wa shule hiyo akiwa Bw.Maulid Mwingira.

Bw.Mwingira aliianzisha shule hiyo kutokana na ukweli kwamba kulikuwa hakuna shule binafsi ya watoto wadogo ndani ya wilaya ya Ludewa hivyo iliwalazimu baadhi ya wazazi wenye uwezo mzuri wa kifedha kuwapeleka watoto wao katika shule binafsi za wilaya ya Njombe na mkoa jirani wa Mbeya.

Baada ya uanzishwaji wa shule hiyo iliwasaidia wazazi hao kupunguza gharama kwa kuwarudisha watoto wao kutoka wilaya na mikoa mingine na kubaki shule ya Morning star ambako walianza kutoa elimu ambayo ilikuwa ikitafutwa katika wilaya na mikoa mingine ikiwa ni kufundihswa kwa Lugha ya Kingereza kwa watoto wadogo.

Shule hiyo ambayo kwa hivi sasa inasimamiwa na kaimu Mkurugenzi ambaye ni Bw.Augustino Mwinuka  awali alikuwa mwalimu mkuu wa shule hiyo na baada ya kuendelea kuwazoesha wakazi wa wilaya ya Ludewa kutumia shule binafsi tofauti na walivyozoea awali kwa kuzitumia shule za Serikali tu,imekuwa na mafanikio makubwa ya kuwa na wanafunzi wengi wanaohamia na kujiunga na masomo katika shule hiyo.

Bw.Mwinuka anasema kuwa uanzishwaji wa shule hiyo umeleta mabadiriko makubwa katika sekta ya elimu wilayani Ludewa kwani wazazi wamekuwa na uchaguzi wapi watoto wao wanaweza kupata elimu kwani awali wengi hwakuona umuhimu wa uanzishwaji wa shule hiyo ya Morning Star.

“Tumeanza kuona wazazi wanawaleta watoto wao hapa tofauti na awali hivyo kwa sasa usajiri umekamilika  na hata wanaohamia ni wengi kwani wameona ubora wa elimu tunayoitoa hapa imeonekana ni bora kuliko maeneo mengine hivyo ndio sababu ya wazazi wengi kuwahamisha watoto wao maeneo mengine na kuwaleta katika shule hii”,alisema Bw.Mwinuka.

Hata hivyo Bw.Mwinuka aliwataka wazazi kutoa ushirikiano katika mambo mbalimbali yanayoihusu shule hiyo ili kufanikisha malengo ya elimu bora kwa wanafunzi wanaosoma Morning Star.

Mwisho.

  
TANGAZO 
MTANZANIA RESTAURANT LUDEWA.

 MTANZANIA RESTAURANT, WANAPATIKANA LUDEWA MJINI KATIKA JENGO LA NDICHELIWE.

 KWA CHAKULA SAFI NA BORA UKIFIKA LUDEWA MJINI MTANZANIA RESTAURANT NDIO SURUHISHO PIA KWA CHAKULA CHA MAHARUSI,MISIBA MAHAFARI NA SHEREHE MBALIMBALI

 KWA MAWASILIANO PIGA NO.0758146258 au 0624985168 KWA CHAKULA CHA UHAKIKA.