MH.EDWARD HAULE AWA KINARA KATIKA UANZISHWAJI WA BARABARA ZA VIJIJI WILAYANI LUDEWA.

Wananchi pamoja na Madiwani wa viti maalumu wakifanya maendeleo ya kuchimba barabra

Mwenyekiti wa Halmashauri Mh.Edward Haule akionesha eneo la uchimbaji wa barabara hiyo kushoto kwake ni Diwani wa kata ya milo Mh.Elisha Haule

Mwenyekiti wa Halmashauri Mh.Edward Haule na Diwani wa kata ya Milo Mh.Elisha Haule pamoja na Raia wa Marekani wakichimba barabra 

Diwani wa kata ya Mkongobaki Mh.Mtweve akiwajibika katika maendeleo ya uchimbaji wa barabra hiyo.

Diwani wa kata ya Mkongobaki Mh.Mtweve akiwajibika katika maendeleo ya uchimbaji wa barabra hiyo. 

 Wananchi wakichimba barabra hiyo

 Mwandishi wa Mtandao huu Nickson Mahundi akisaidiana na wananchi katika uchimbaji wa barabara

 Mh.Edward Haule akiendelea kutoa maelekezo

Wanahabari  wakiwa katika picha ya pamoja mara baada ya kushirikiana na wanachi wa kijiji cha Milo na Lipangala wilayani Ludewa katika kuchimba barabra

Gari ya Halmashauri ya wilaya ya Ludewa ikipita katika barabara mpya inayounganisha kijiji cha Milo na Lipangala bara baada ya kuchimbwa na wananchi.

Mwenyekiti wa Halmashauri ya wilaya ya Ludewa na Diwani wa kata ya Ibumi wilayani Ludewa katika moa wa Njombe ameendelea kuwa mfano wa kuigwa miongoni mwa jamii kutokana na uwezo wake wa kuwashawishi wananchi katika uanzishwaji wa barabara za vijijini.

Hali hiyo imedhihirika jana katika kijiji cha milo na kijiji cha lipangala wilayani hapa ambapo Mh.Haule kwa kushirikiana na wananchi wa vijiji hivyo viwili waliweza kufanya harambee ya uanzishwaji wa barabara yenye urefu wa kilometa saba ambayo imekuwa ni kukwazo katika maendeleo na mawasiliano ya vijiji hivyo.

Akiongea mara baada ya kukamilisha uchimbaji wa barabara hiyo mh. Haule alisema kuwa amekuwa na uzoefu mkubwa katika kazi hiyo richa ya kuwa hajasomea uhandisi wa barabara lakini mpaka sasa ni vijiji vingi vya wilaya ya Ludewa ameifanya kazi hiyo ikiwa na vijiji vya kata ya Ibumi ambako ndiko alichaguliwa kuwa Diwani.

Mh.Haule aliwasifu viongozi na wananchi  wa vijiji vya Milo na Lipangala kwa kujitokeza kwa wingi na kuunga mkono juhudi zake za kuviunganisha vijiji vya wilaya ya Ludewa vilivyopo jirani katika miundombinu ya barabara kwani maeneo mengine watu hawana imani kuwa bado kunawananchi wenye uwezo wa kujiletea maendeleo yao wenyewe bila kuisubiri Serikali.

Alisema kuwa awali alipowasirisha wazo hiyo akiwa na madiwani wa kata ya Milo na Mkongobaki katika mkutano wa hadhara baadhi ya wananchi walibeza juhudi hizo bila kujali umuhimu wa barabara hiyo lakini baada ya kukubariana na kuingia kazini bila kujari itikadi za vyama vya siasa kila mmoja ameona kuwa ukweli wa neon umoja ni nguvu na utengano ni dhaifu.

“kila mmoja hakuamini wakati natoa wazo hili la kuichimba barabara kwa mikono yetu wenyewe ni niliwaeleza kuwa mimi ni mzoefu wa kazi hizi lakini leo mmeamini na mmeona gari nililokuja nalo limepita vizuri hivyo naomba kwa umoja huu mliouonesha leo muendelee nao katika mambo mengine bila kujali itikadi zenu za vyama ili kujiletea maendeleo kuliko kuisubiri Serikali kwa kila jambo”,alisema Mh.Haule.

Diwani wa kata ya Milo Mh.Elisha Haule  akiwapokeza wananchi wa kata yake katika kijiji cha milo kwa kuitikia wito wa kuchimba barabara ya kuunganisha kata yake na kata ya Mkongobaki kupitia kijiji cha Lipangala alisema kuwa Mh.Edward Haule ni mfano wa kuigwa katika madiwani wa Halmashauri ya wilaya ya Ludewa,kwani anajitoa kufanya kazi bila ya kujali kata hiyo yuko nani.

Mh.Elisha alisema kuwa barabara hiyo inaumuhimu mkubwa kati ya vijiji hivyo viwili kwani wananchi wa kijiji cha Lipangala awali iliwalazimu kutembea umbali mrefu hadi Lugarawa kufuata huduma za hospitari lakini kwa uanzishwaji wa barabara hiyo watatumia muda mfupi kutibiwa Milo badala ya Lugarawa.

Aliwataka wananchi kuitunza barabara hiyo ili iendeleze mahusiano mazuri baina ya vijiji hivyo kwani wananchi wake ni ndugu lakini kutokuwa na barabara ilikuwa ni kikwazo kikubwa kutembeleana hivyo ni fulsa nyingine hata kibiashara baina ya wananchi hao.

Aidha Diwani wa kata ya Mkongobaki Mh.Ally Mtweve aliyasifu mashirikiano hayo ambayo dhahiri yameonesha mwelekeo wa kimaendeleo kwani kwakufanya maendeleo wananchi wameweza kubadirishana mawazo na kupeana fulsa zinazopatikana katika kijiji kingine.

Mh.Mtweve aliwaomba viongozi wa vijiji kuwachukulia hatua kali kwa wale wananchi waliofika kuchimba barabara hiyo kwani kwakutofika kwao kunawakatisha tama wananchi wenye nia njema ambao walijitokeza na kukamirisha kazi hiyo pia aliwapongeza baadhi ya wananchi wa vijiji hivyo ambao wanaoishi nje ya wilaya ya Ludewa kwa kujitolea kununua vitendea kazi ambavyo viliwapa hamasa zaidi wananchi.

Mwisho.