HATIMAYE MAWASILIANO YA VIJIJI VYA AMANI NA MAHOLONG’WA YAKAMILIKA.

 Daraja la mto ketawaka Linalounganisha kijiji cha Maholong'wa na kijiji cha Amani

  Daraja la mto ketawaka Linalounganisha kijiji cha Maholong'wa na kijiji cha Amani

 Bw.Tom Kijumbe kutoka EKA campany Ltd ndiye msimamizi wa ujenzi wa daraja la mto Ketawaka

 Mh.Frank Mseya Diwani wa kata ya Ludende

 Barabara ya kijiji cha Aman kata ya Mundindi inayoelekea kijiji cha Maholong'wa kata ya Ludende

  Daraja la mto ketawaka Linalounganisha kijiji cha Maholong'wa na kijiji cha Amani

  Daraja la mto ketawaka Linalounganisha kijiji cha Maholong'wa na kijiji cha Amani

Bw.Kijumbe na Mh.Mseya wakiwa na Furaha baada ya kumaliza ujenzi wa daraja hilo

Ujenzi wa daraja la mto Ketawaka linalounganisha vijiji vya Amani na Maholong’wa wilayani Ludewa katika mkoa wa Njombe umekamilika rasmi ambao ni kiunganishi kikubwa kati ya vijiji hivyo viwili kwani kabla ya kukamilika kwa ujenzi wa daraja hilo wananchi walilazimika kutumia njia ya umbali mrefu ambayo ilikuwa ikiwagharimu fedha nyingi.

Daraja hilo ambalo limekuwa likilalamikiwa kwa muda mrefu ambapo ukosefu wa daraja hilo ulisababisha mara kadhaa vifo kwa wananchi kufa maji pale walipojaribu kutengeneza madaraja ya mianzi ili kuweza kujinasibu na uvukaji ili kufanya shughuri za kibinadamu limekamilika kipindi ambacho ni msaada mkubwa kwa wakulima hasa msimu huu wa mavuno.

Akiongea na mwandishi wa habari hii msimamizi wa ujenzi wa daraja hilo Bw.Tom Kijumbe kutoka kampuni ya EKA ya Jijini Dar es Salaam alisema kuwa richa ya kuwa daraja hilo limechukua muda mrefu lakini ni daraja bora zaidi kutokana na ukubwa wa mto Ketawaka,kwani awali wananchi walikuwa na malalamiko mengi wakitaka liishe kwa haraka lakini hivi sasa wameamini nini EKA Campany Ltd walikuwa wakifanya katika ujenzi huo.

Bw.Kijumbe alisema kuwa EKA Company Ltd ni kampuni yenye uzoefu katika kazi hizo za ujenzi wa madaraja,barabara na majengo kwa muda wa mika 24 hadi hivi sasa hivyo wananchi hawakutakiwa kuwa na haraka kiasi hicho na walichokuwa wanatakiwa kusubiri wataalamu wafanye kazi yao ambayo hivi sasa kwa macho inaonekana tofauti na matarajio ya wananchi wenyewe.

“Tumekuwa na uzoefu mkubwa katika kazi hizi na daraja hili sio la kwanza na kumekuwa na maneno ya kuwadharau wakandarasi wazawa na kuwathamini wan je hali ambayo siyo sawa kwani wahandisi wetu wanasoma vyuo ambavyo vinatambulika kimataifa hivyo hata hapa kuna baadhi ya watu walibeza lakini sasa kila mmoja anakuja kuangalia na kusifu kazi iliyofanyika na mtanzania Mwenzao”,alisema Bw.Kijumbe.

Aidha Diwani wa kata ya Ludende Mh.Frank Mseya alisema kuwa daraja hilo ni ukombozi mkubwa kwa wananchi wa kata ya Ludende na Mundindi kwani ni barabara fupi zaidi ya kuja makao makuu ya wilaya ukiachana na umuhimu wake kwa wakulima na wafanaya biashara.

Mh.Mseya ameipokeza Serikali kwa kuwakumbuka wananchi wa maeneo hayo kwa kuwajengea daraja la kisasa ambalo litainua na kukuza kipato kwa wananchi wa maeneo hayo pia aliwataka wananchi kulilinda ili kuepusha watu wenye nia mbaya ambao huiba vyuma vya pembeni ambavyo vimechomelewa ili kuzuia watu au vyombo vya moto kutumbukia mtoni.

Mwisho.